اعطيني سرك في العدس

[sousoubella]

[/IMG]


ساعدوني في طريقة تحضيركم للعدس الله يفتح عليكم

[بشـرى]

نعطيك طريقتي البسيطة :-)
نبيت العدس ليلة كاملة فالماء ، غدوة نداوي البرمة ، نحط بصل مرابي يتقلا فالزيت شوية ونزيد عليه الثوم ، وزرودية مرابية ( سعات نحطها قطع) ، ملح ، كمون ، قصبر ، وراس الحانوت ، ونخليهم يتقلاو شوية ونمرق ، وإذا درتي باللحم هاكي تقليه ايضا معاهم .... نروح للعدس نغسلو ونقيه ونخليه على جنب ،،،، اذا طيبت باللحم نستنا اللحم طيب نص طياب باه نزيد العدس، واذا بلا لحم نلوحو كي تغلا البرمة ، وكي يقرب يطيب باه نحط مغرفة طماطم مصبرة وحبة طماطم مرابية ونحط دبشة ومعدنوس ونخليه يكمل الطياب ..... وبالصحة والهنا

[oum Haroun]

نحط العدس بلا ما نبيت في الماء مباشرة نحط في الكوكوط نزيد البصل نكثر شوي 2 حبات جزر مقطعين على 2 و حبة بطاطا و حبة طماطم و الدجاج و الملح و الزيت و الفلفل الاسود و الاحمرو الكمون و طماطم معلبة حسب الحاجة بعد مايتقلو نمرق كي يبدا يغلي نضيف مغرفة صغيرة خميرة كميائية و نغلق الكوكوط كي اطيب تحب ترحي الخضار تحبي تخليهم و زيدي رشة تاع كمون
_ الخميرة الكيمائية و الكوكوط بدل ما تشمخيه ولا ديري الماء الحلو
_ مادريش الثوم لان اجي ثقيل
_انفضل الدجاج خيرمن اللحم في العدس

[Oum Habouba]

شوفي اختي طريقتي ساهلة ماهلة
بلا ماتنقعي العدس بلخف يطيب في لاكوكوت مينوت
انا ندير فيه الجاج او لجم او بلاش والبصل والخضر اللي عندك جزر بصل بسباس طماطم حبة بطاطا هكدا نتحايل على اولادي باش ياكلو وندير توابل ملح فالفل كمون وعود قرفة ورند هادو زوج مهمين بزاااف
ونزيدك انا هادو نحطهم كامل وندير الماء بلا مانقلي يعني بارد في بارد ونبلع والله يطيب روووووعةوحنا ناكلوه مطحون يعني نتي ادا ما تبغوهش مطحون قطعي الخضر رقيقة كي تبغي تحطي رشي بالكمون مطحون وشهية طيبة
وبالتوفيق

[sousoubella]

المشاركة الأصلية كتبت بواسطة بشـرى

نعطيك طريقتي البسيطة :-)
نبيت العدس ليلة كاملة فالماء ، غدوة نداوي البرمة ، نحط بصل مرابي يتقلا فالزيت شوية ونزيد عليه الثوم ، وزرودية مرابية ( سعات نحطها قطع) ، ملح ، كمون ، قصبر ، وراس الحانوت ، ونخليهم يتقلاو شوية ونمرق ، وإذا درتي باللحم هاكي تقليه ايضا معاهم .... نروح للعدس نغسلو ونقيه ونخليه على جنب ،،،، اذا طيبت باللحم نستنا اللحم طيب نص طياب باه نزيد العدس، واذا بلا لحم نلوحو كي تغلا البرمة ، وكي يقرب يطيب باه نحط مغرفة طماطم مصبرة وحبة طماطم مرابية ونحط دبشة ومعدنوس ونخليه يكمل الطياب ..... وبالصحة والهنا

يعطيك الصحة ختي الله ينورك

المشاركة الأصلية كتبت بواسطة oum haroun

نحط العدس بلا ما نبيت في الماء مباشرة نحط في الكوكوط نزيد البصل نكثر شوي 2 حبات جزر مقطعين على 2 و حبة بطاطا و حبة طماطم و الدجاج و الملح و الزيت و الفلفل الاسود و الاحمرو الكمون و طماطم معلبة حسب الحاجة بعد مايتقلو نمرق كي يبدا يغلي نضيف مغرفة صغيرة خميرة كميائية و نغلق الكوكوط كي اطيب تحب ترحي الخضار تحبي تخليهم و زيدي رشة تاع كمون
_ الخميرة الكيمائية و الكوكوط بدل ما تشمخيه ولا ديري الماء الحلو
_ مادريش الثوم لان اجي ثقيل
_انفضل الدجاج خيرمن اللحم في العدس

شكر على الطريقة بصح جربتها من فبل و ماصلحتليش ماعرفتش و علاه

المشاركة الأصلية كتبت بواسطة oum habouba

شوفي اختي طريقتي ساهلة ماهلة
بلا ماتنقعي العدس بلخف يطيب في لاكوكوت مينوت
انا ندير فيه الجاج او لجم او بلاش والبصل والخضر اللي عندك جزر بصل بسباس طماطم حبة بطاطا هكدا نتحايل على اولادي باش ياكلو وندير توابل ملح فالفل كمون وعود قرفة ورند هادو زوج مهمين بزاااف
ونزيدك انا هادو نحطهم كامل وندير الماء بلا مانقلي يعني بارد في بارد ونبلع والله يطيب روووووعةوحنا ناكلوه مطحون يعني نتي ادا ما تبغوهش مطحون قطعي الخضر رقيقة كي تبغي تحطي رشي بالكمون مطحون وشهية طيبة
وبالتوفيق

انشاء الله نجرب الطريقة تع بارد في بارد و نرجعلك بالخبر شكرا على النصيحة الله يجازيك كل خير

[ام حمزة22]

السلام عليكم
تفضلي رابط طريقتي في تحضير العدس وانت والاختيار نتاعك تحبي ديريه باللحم او بدون لحمhttps://www.djelfa.info/vb/showthread.php?t=1879776

[عطرالذهب]

اختي نعطيك طريقتي لاني نحبو وكان يديرلي ليقاز يقتلوني
ننقعو في الماء ليلة من قبل وفي الصباح نغسلو وننقيه ونحطو يطيب في طنجرة بلامانغلق عليه في الماء فقط
ومن جهة اخرى نطيب طرف لحم او دجاج في صوص حمراء عادي
كي يطيب اللحم نصفي لعدس حتى ولو ناقص طياب ونضيفو للمرق ونضيفلو راس حار ونغلق الكوكوط مدة 10 دقايق نلقاه طاب بلا ما يتحرحر ولاصوص ضاوية مش سوداء نخليها تخثار كيماتحبي و نضيفلو شوي زيت زيتون وكمون اسود واستمتعي باحلى عدس

[جروح الصمت]

نفس طريقة اختي عطر الذهب فقط مع ابقاء القدر على نار قليلة وليست كوكوت

[رحمةز]

نعطيك طريقتي وماكنش اسهل منها لاني اصلا ندير العدس في يوم الميناج
الطريقة هي تجيبي كمية العدس اللي تكفيك وتلوحيها في وعاء على النار مع كمية من الماء وخليها حتى يسخن الماءمليح يولي يحرق ومن بعد طفي عليه النار وخليه بيد مايكون طرا انت روحي حضري الدرسة نتاعك رابي لبصل وقليه شفي شوي زيت وزيدي رابي عليه الثوم وقلي شوي وزيدي رابي الطماطم وضيفي التوابل اللي تحبيها انا ندير الكسبر والفلفل الاسود وشوي كمون وملح برك انت ضيفي واش تحبي اذا تحبو الحار ديري هريسة وطماطم نتاع الباطة
من بعد وللي عند العدس اللي نقعتيه في الماء الساخن حكيه بين يديك حتى تتنحى القشرة نتاعو حبيتي تنحيها اكل او تنحي شوي برك ومن بعد صفيه ولوحي على التقلية نتاعك وزيدي كمية من الماء قيس مايطيب راه ماياخذش ياسر وقت خاصة في لاكوكوط ومن بعد حوالي 5د حلي عليه لاكوكوط وزيديلو راس فلفل اخضر ودوقي الملح .
يعني مدة التحظير نتاعو يارب 15 د برك والتقديم كيما تحبي
بزيت الزيتون او حاف او بلاصوص نتاع الدوبارة(حبة طماطم نصرابيه ونص قطعيه +سنة ثوم+ فلفل اخضر مقطع+شوي فلفل مرقد +دبشة+شوي طماطم مصبرة + شوي من (فلفل اسود كمون كركم زنجبيل فلفل احمر كسبر كروية حبة حلاوة )هذا لا ماعندكش راس الحانوت وشوي هرسة وزيت الزيتون)
المهم كيما تحبي تقدميه قدميه