المراقبة

[مشكلتي]

مساء الخير راييو عليا يا اهل الخير
مشكلتي التي لم اجد لها حل والتي اعاني منها منذ سنوات تتمثل في اني كنت على علاقة بواحد الانسان لكن علاقتنا لم يكتب لها النجاح انا كانت نيتي باينة اي الزواج لكن تاتي الرياح بما لا تشتهي السفن للاسف كان الفراق هو المكتوب بيناتنا واللي كانت سبتو الغيرة الزائدة واشياء اخري المهم انو كل واحد راح في حالو انا تالمت بزاف وقررت مانزيد نعرف حتى واحد وكيما يقولو ستنيت المكتوب حتي يجي لباب الدار
نويت والله الشاهد اني ننساه لكن هو ماخلانيش في حالي الكارثة انو رجع يراقب فيا من بعيد ومن قريب حتى يعرف اخباري في كل وقت هو و كي يغيب يوصي عليا صحابو انا عييت بزاف ومرضت من هاذ الحياة اللي كرههالي
والادهى من ذلك انو هو تزوج ودار حياتو وانا مخليني نتعذب و كي قلتلو نكر وقاللي لالا ماكاش منها كامل و الامر انو اللي يتقدملي يروح ليه يقوللو غير ماكان علاه
انامافهمتش واش يحب من عندي هذا ظلم عند ربي و الظلم ظلمات يوم القيامة

[aymen01]

هذا عقاب ليك

باه ماتزيديش تهدري مع الرجال

[المحقور1]

اكيد عقاب من الله
ادعي ربي اختي ان يعفو عنك

[الراغبة فى رضا الرحمن‎]

حسبي الله ونعم الوكيل
ربي يرضى عليك ويهديه
متخمميش صفي نيتك مع ربي
وشي لي كاتب جايي

[maribelle]

لا حول ولا قوة الا بالله
الله يفرج عليك وعلينا يا رب

الدعاء والاستغفار افضل حل

[كلنا راحلون]

المشاركة الأصلية كتبت بواسطة aymen01

هذا عقاب ليك

باه ماتزيديش تهدري مع الرجال

المشاركة الأصلية كتبت بواسطة المحقور1

اكيد عقاب من الله
ادعي ربي اختي ان يعفو عنك

وكأنكم معصومين من خطأ واجمل في كوكب جلفون فتاوي على مباشر وحسب مزاج
.تستحقون ان تكونا ثنائي راءع في منتدى

شوف واش قالت صاحبة مشكلة

كنت على علاقة بواحد الانسان لكن علاقتنا لم يكتب لها النجاح انا كانت نيتي باينة اي الزواج

.............توضيح ثنائي راءع علاقة قبل زواج حرام ومن اصلح وتاب يتزوج او تتزوج .

صاحبة مشكل....... الله يسهلك

[ام رضوان]

الله يهدي ما خلق
المخلوقة لجات اليكم باه تنصحوها وتخرج لبر الامان وانتم طحتو فيها تقطاع في تقطاع.
وزيد راهي هدرت معاه وخلصت وذرك واش ينفع اللوم
اما بالنسبة لكي اختي وكلي عليه ربي وادعي ربي يكفيك شرو ويرزقك بالزوج الصالح
امين

[exellance]

خليك منو يا اختي ماتشغليش بالك بيه مادام راح في طريقو وخلي عليه يراقب ولا يقعد وبالنسبة للي جاو خطبوك وهو يقولهم غير ماكلاه
هادو لوكان جاو فيهم ذرة عقل معقول يسمعو لاي واحد يجي ويققولهم غير ماكلاه من هذيك الطفلة !! بالمختصر انسايه وعيشي حياتك ولي يستاهلك يتقدملك وميسمعش كلام الناس والريح لي جا يديه

[AMINA.Z]

لا حول و لا قوة الا بالله
هو يغلط و يطمع بنت الناس و يغلطها معاه و يزيد يخليها و يبني حياتو و يفسد عليها حياتها .
هي غلطت و تابت .
من هو الظالم يا اخوتي ?????

اختي لن يفيدك غير رب العزة
فلو اجتمع كل الناس على اذيتك ما استطاعو حتى ياذن الله
لذلك تجاهلي مراقبته و لا تسمحي بان يكون بينك و بينه اي اتصال او استفسار ...اتركي امره لربك
و ادعي الله ان يتوب عليك و يرزقك بزوج صالح

[kameljijeli]

لقد أخطأتِ في إِقامة علاقة غير شرعية مع شبه رجل ( لو كان حقّاً رجل لستر عليك أو على الأقل لا يفسد الخطاب) ولم تتركيه توبةً أو خوفاً من الله ولكن لمشاكل بينكما, وربما لو أراد الرجوع إليك والخروج معك مرة أخرى حتى وهو متزوج , فبنسبة 99 بالمئة ستعود إليه, وللأسف هذا الأمر منتشر بكثرة لضعف شخصية نساء هذا الزمن, ثم إن الله يمكن أن يرزق الزوج الصالح من يشاء من النساء حتى ولو كن فاسدات

[visa uk]

هدا مش راجل ابدا يعس فيك ويزد يدخل روحو فيك من بعيد الله يهده مش متفاهمين حلاص كل واحد في طريقو

[خالد عنابي2]

التجاهل هو الحل واذا كان ممكن ابلاغه عبر وساطة انكي لا ترغبين بعدوة اي علاقة معه وكل واحد ربي ساهلو
فان ابى واصر واستكبر شكوى لدى الشرطة او الدرك او المدعي العام تفريها باذن الله .

[وصال سلام]

قوله صلى الله عليه و سلم :
"قل لو اجتمعت الانس والجن على ان ينفعوك بشئ ما نفعوك الا بشيء قد كتبه الله لك وإن اجتمعوا عَلَى أن يضروك بشيء لم يضروك إلا بشيء قد كتبه اللَّه عليك"

ربي يجعل كيده في نحره ويحفظك من شره ياااارب وانتي اختي اا لا تكترثي له اطلاقا دريه نكرة غير موجود وادعي ربي سبحانه فان دعوة المظلوم ليس بينها وبين الله حجاب

قال الامام الشافعي قالوا اسكت وقد خوصمت ,,, قلت لهم ان الجواب لباب الشر مفتاح
والصمت عن جاهل او احمق شرف وفيه لصون العرض العرض اصلاح
اما ترى الاسد تُخشى وهي صامتة؟ ,,,, والكلب يُخسى لعمري نباح

حسبي الله ونعم الوكيل

[dalal2008]

[Zahra 30]

ربي يخلصه و يفرج عليك اختي حسبي الله ونعم الوكيل فيه حمدي ربي لي بعده عليك psk هادا مشي راجل