بكالوريا في خطر و دموعي لا تجف

[مشكلتي]

نا طالب في البكالوريا كنت متفوق خلال السنوات الماضية .. اذ ان معدلي لم ينزل عن 17 .. و لكن هذه السنة لا اعلم ماذا جرى لي . لم اعد قادر على استيعاب شيئ و متوتر و قلق دائما
مستوايا انخفض في اللغات حتى الفصحى لم اعد قادر على التعبير عن مشكلتي .. اصاب بصداع نصفي و ابكي بمجرد ان افتح الكراس
اخشى انني مسحور او اصبت بالعين خاصه ان اساتذتي دائما يحاواون إحباط ي و اشعر ان هناك حقد اتجاهي من طرفهم و من طرف تلاميذ قسمي . عندما اشارك و اجيب على الاسئلة الصعبة التي يستعصي على احد اجابتها .. اشغر ان هناك مطرقة على راسي تطرق و اشعر بالم في راسي كما اتلعثم في الكلام
ماذا افعل فقدت الثقه في نفسي و لا ارغب في اكمال هده السنه و كرهت المدرسة..

ساعدوني

[عفاف عفة]

السلام عليكم ....
أخي الكريم ...العام للي فات انا جوزت باك 2014 ....ومريت بنفس الشيء ...
نقلك حاجة حبس المراجعة فترة اسبوع ولا زوج ...عاود حساباتك ...وعاود اخلق الإرادة والرغبة في النجاح ....ودير في راسك بللي الباك هو الهدف تاعك ....كيما قلتلك ما تدورش بالقراية ....من بعد قسم وقتك ...ما بين انك تعاود تقرا وش فات وتراجع الدروس للي درتوهم جدد ...
علابالي تقول ماكانش الوقت ....مي انا نقلك الوقت طويل وعريض والله العظيم انو يكفيك .....
بما انو عند ك معدل 17 صدقني العين رايحة تقيسك ...خاصة كي يشوفوك تراجع ...وتنجح ....صدقني تروح عليك ....
نقلك ثاني كثر الإستغفار واقرا سورة البقرة ...ولو مرة في الاسبوع مجرد ساعة من الزمن ....
ان شاء الله تتحصل على المعدل المرغوب .....
أعانك الله ....سلام

[lola22]

راهي تبالك برك سيرتو كعاد الباك الستراس يزيد هدا ماكان ............
++++ انت زكارة فيهم وفي الناس اللي تغير منك اقرى مليح وجيب الباك بمعدل مليح ..

[staifia]

مجرد ضغوطات و افكار بسبب الباكالوريا وكلنا مرينا بنفس الشيء
انت لا تضع مثل هذه الافكار في ذهنك وتفائل بالخير
و اجتهد اكثر لتبين لهم انك لست فاشل
ربي يكون معاك
سلام

[salem1985]

ربي يوفقك اخي شوي راحة ومن بعدها جدد العزيمة وتوكل على ربي واسهر على قراءة القران الكريم

[cherie asil]

ana l'année passée jawazt bac w hmdllh njaht w ha9a9t wsh knt mtmenya ms srali f début kima nta w kraht 9raya w malit mnha w li derteha manaf3tné ms kayn rabé sobhanou li jamais ykhali 3abdo mghboone hmdllh zedt t9arabt mn Rabé w wellit Nssali bzf kol maykoon 3andi wa9t nroh nssali w nahfdh 9or2an w hmdllh rabé w9ef m3aya w makhalanich ntih c vrai la moyenne dyalé f 1er trimestre habtet bzf ms f bac jebt 17.35 w bdit 9raya mn février mat9olsh wa9t maykfikch psk ykfi ms a3raf kifésh tnadhm wa9t w koon 9rib mn rabé sobhano psk 9ader 3la kolshi w rabé ywaf9k w ynajhk f hyatek Nchllh w késh matehtadj rané hna D'ccrd Slm

[kouki2]

البكالوريا راهي حاجة ساهلة اتكل على ربي اقرا وماتخلعش لان هي السبب في فشل الكثر من الطلاب

[amina.nina23]

الحالة التي تمر بها هي طبيعية بالنسبة للضغوطات النفسية و حالة الخوف و القلق التي تعيشها بما انك مقبل على اجتياز امتحان لكن لا تكترث تقرب من الله تعالى و اكثر من الدعاء و قراءة القران و توكل على الله سيييسرلك جميع امورك ، كلنا مررنا بهذة التجربة لكن اصبحت كلها ذكريات ^ ^ اسال الله ان يوفققك في دراستك و جميع المقبلين على اجتياز امتحان البكالوريا
" اللهم لا سهل الا ما جعلته سهلا ، و انت تجعل الحزن ان شئت سهلا "

[sara_h]

انا ثاني هادا لعام عندي باك
وراني مقلقة وخايفة
لكن يجب ان لاتجيب عن الاسئلة وبينلهم انك اصبحت كسول ومتقول لحتا واحد بلي راك تقرا
وروح لدار شدها قراية قراية
وفي الاخبارات اخدم نورمال وحاول انو تكمل بصح الورقة لي جاوبت فيها خليها عندك
وحط الورقة بيضة ولا اكتب فيها قيس نقطة تحت 5

وقبل هذا كلو روح ارقي بلاك راك معين

وبالتوفيــــــــــــــــــــــــــق

[إبتسامة أبي]

ماتقلقي روحك ما والو لي كتبها ربي تلحقك
والله طفريها في صحتك هدا ماكان

[owl city]

المشاركة الأصلية كتبت بواسطة sara_h

انا ثاني هادا لعام عندي باك
وراني مقلقة وخايفة
لكن يجب ان لاتجيب عن الاسئلة وبينلهم انك اصبحت كسول ومتقول لحتا واحد بلي راك تقرا
وروح لدار شدها قراية قراية
وفي الاخبارات اخدم نورمال وحاول انو تكمل بصح الورقة لي جاوبت فيها خليها عندك
وحط الورقة بيضة ولا اكتب فيها قيس نقطة تحت 5

وقبل هذا كلو روح ارقي بلاك راك معين

وبالتوفيــــــــــــــــــــــــــق

روحي روحي تعيي ماكاش وش تهدري تتمسخري بواحد يهدر serieusement

[rawya yoya]

Loukan ta3rfou ana awal mara ngabl bac srawli fih machkal bezzeeef wa5ar haja sratli baba twafa 3andou smana manich 9adra na9ra 5las wzid ana tafla wahda wsrira w3omri 19ans wma3chou9at baba w5oya 20 karha sah sah hyati rabi yarhmak yabab whbibi 9albi tw1hachtou bezef was3ab foura9 foura9 alwalidayn

[Dr.Hichem]

ضغوطات بكالوريا وعامل نفسي اخي الكريم
لاتقلق كثيرا والبكالوريا فقط مجرد امتحان كباقي الامتحانات ولايتطلب كل هذا التخوف
انصحك بالاكثار من قراءة القران الادعية والرقية الشرعية وستتحسن ان شاء الله
الله ينجحك

[zizou98]

أخي الكريم ...العام للي فات انا جوزت باك 2014 ....ومريت بنفس الشيء ...
نقلك حاجة حبس المراجعة فترة اسبوع ولا زوج ...عاود حساباتك ...وعاود اخلق الإرادة والرغبة في النجاح ....ودير في راسك بللي الباك هو الهدف تاعك ....كيما قلتلك ما تدورش بالقراية ....من بعد قسم وقتك ...ما بين انك تعاود تقرا وش فات وتراجع الدروس للي درتوهم جدد ...
علابالي تقول ماكانش الوقت ....مي انا نقلك الوقت طويل وعريض والله العظيم انو يكفيك .....
بما انو عند ك معدل 17 صدقني العين رايحة تقيسك ...خاصة كي يشوفوك تراجع ...وتنجح ....صدقني تروح عليك ....
نقلك ثاني كثر الإستغفار واقرا سورة البقرة ...ولو مرة في الاسبوع مجرد ساعة من الزمن ....
ان شاء الله تتحصل على المعدل المرغوب .....
أعانك الله ....سلام

[كلنا راحلون]

المشاركة الأصلية كتبت بواسطة kouki2

البكالوريا راهي حاجة ساهلة اتكل على ربي اقرا وماتخلعش لان هي السبب في فشل الكثر من الطلاب

ههههههه ساهلة بزاااااف عند اعادة باك ولو سئلو كل معيد عن معدل اول لكانت كوارث طبيعية في كوكب جلفون لكنهم كانو مخطئين ابكي و زيد ابكي ويبقى سؤال علاه عند اعادة سنة ساهلة ياليتني اعدت باك 3مرات او 4 مرات لدرست في جامعة بوخوم ابكي وزيد ابكي هههههههههه من معدل ضئيل الى معدل لاباس بيه ومايعرف جدول ضرب واصبح اطار دولة يا نا يانا وماقديش هههههههههه