الفحمة او حبس النفس للاطفال

[الحياة فرصة]

السلام عليكم ورحمة الله تعالى وبركاته :الله يجازيكم عاونوني انا ابني كي يغيضو الحال ويبكي يفحم يروحلو النفو خلاص نقول مات من بعد يرجعلو رحت للعديد من الاطباء كل واحد كيفاه يقولي طبيب الطفال يقولي عادي يكبر تتنحالو ويقولي ماهوش مريض هي حالة عادية يمرو بها بعض الاطفال اما اطباء الراس واعصاب دارولي الراديو وقالولي مريض لازم ياكل دواء الديباكين اي عندو مرض الصرع والله راني حايرة ابني كل شيء فيه عادي الراديو قالي طبيب الاطفال لازم ديريهلو بعد 15 يوم ملي حبسلو النفس اخر مرة يعني راهو غالط مافهمت والو مش حابة ابني ياكل الديباكين الله يجازيكم عاونوني

[ام مهدي 03]

يا اختى انا حسب معلوماتى طفل كى يكون صغير اقل من 14 سنة ما يعالجو حتى طبيب غير طبيب الاطفال فى اى مرض .قاتلى وحدة طبيبة اختصاص ORLرانا نضرو ولادكم كى نداويوهم ما قريناش عليهم وطرق العلاج تختلف من الصغير الى الكبير.فى اى مرض والطفل اختصاص pediatrie
انا من رايى تبعى طبيب الاطفال وربى يجيب الشفاء

[جويرية الإيمان]

عندك الحق أختي أم مهدي

يا اختي ابنك مثل معظم الأطفال يفحم

عندي بنت أختي مشاء الله عليها العين زرقا و الوجه تقول قمر تبارك الله

بصح انهار تفحم و إلا تغيضها روحها على حاجة و الله العظيم غير تتبدل تقول ولات عبد أخر

تولي سوداء اللون من الفحمة و تروحلها النفس و تبقا واقفة و فمها مفتوح بدون صوت

و الله غير أمها تخلع و رجليها ما يهزهاش .

بصح غير ترجعلها النفس خلاص يرجع لونها و تبكي عادي.

و نزيد نقلك حاجة كي يفحم الطفل أقصى حاجة راح تصرالو إنه يتغاشى و السبب

نق الأكسجين عن المخ و بعد الإغماء سيتنفس عادي و يصحو الطفل لاباس عليه

أقصد من كل هذا عندك لا تعطي لولدك دوا ممكن يضرو و هو مش مريض .

و ربي يخليلك ابنك و إن شاء الله تروحلو هاذي الفحمة .

[ثلوج الشتاء]

اختي ولدك ماشي مريض كاين ولاد يفحمو يعني يقطعو النفس انت انسفي في وجهو ولا سدي نيفو بصباعك وطلقي ليه ليه باه يتخلع ويعاود يرد النفس وحدو لأن الفحمة فعل إرادي من الطفل سواء كي يبكي من حاجة وجعتو أو يغضب

[الحياة فرصة]

الله يجازيكم خوتاتي ادعيولو بالشفاء

[lylo]

اختى ولدك راهو ماشى مريض وانا بنتى صراتلها كيفو كى قريت واش كتبتي تقول حكيتي على بنتى وانا تانى ديتها لبزاف طبا و حمد الله راهى براتلى وانا كى مالقيتش دوا ليها قالولى اديها لوحد الشيخ يعافى لولاد صغار مع شفها والله بلا مازال ماقتلو والو قالى بنت عندها الحرنة و تفحم و قالى هدا يديرلهم من العين والله من نهار عافاها تقولى تكدب اختى ادي ولدك عافيه من العين يولى ان شاء الله لباس

[امونة الشاوية]

ربي يشفيهولك اختى

[لينة71]

يااختي انا ثاني بنتي صرالها هكا وديما نموت ونحيا من الخلعة...بصح وش قاتلي الطبيبة قاتلي لازم كي تشوفيه شحنت ولا تخلعت اهدري معاها وقوليلها مكاين والو يعني هونيهالو برك تهون واضحكي قوليلو طحت واضحكي مكان والو وليدي م كان والو واذا شحن رشي عليه الماء وتنفسي عليه را رايحة تروحلو باذن الله وماتشربيلوش الدواء راكي غير تمرضيه لازم يتعالج نفسيا برك ومع الوقت تروحلو وانا بنتي الان عندها3 سنين وراحتلها والحمد لله...بالشفء عليه

[life is life]

سلام اختي ، انا اخيكي كان صغير كان صاريلو نفس الشي
و يفحم و حتى يخرجلو اللعاب و عينيه ينقلبو
و فوتو عليه و عطاوه ديباكين كانو يديروله القطرة في الما و يعطوه يشرب
كان عندو ربع سنين امي حكاتلي

اختي اعطيه دوا ما تخافيش و الله من داك الوقت ما رجعلوش برا


يا اختي هو فديك الحالة يكون في الا وعي يعني ما ينفعش فيه تغلقيله نيفه ووو تقدرس هاكك تقيه نو هو في حالة لا وعي ما ترجعيلوش الوعي بهاد الطريقة

ما تلعبيش بالطفل تبعيلو بالدوا ما تقولي لا صغير لا والو لوكان جا يضره لوكان قالك الطبيب و زيد خويا كان عندو ربع سنين و كانو يديروله ديباكين كانت تجي لون بنفسجي

المهم اختي كيما قتلك ما تتهاونيش و ربي يشفيه

[life is life]

المشاركة الأصلية كتبت بواسطة لينة71

يااختي انا ثاني بنتي صرالها هكا وديما نموت ونحيا من الخلعة...بصح وش قاتلي الطبيبة قاتلي لازم كي تشوفيه شحنت ولا تخلعت اهدري معاها وقوليلها مكاين والو يعني هونيهالو برك تهون واضحكي قوليلو طحت واضحكي مكان والو وليدي م كان والو واذا شحن رشي عليه الماء وتنفسي عليه را رايحة تروحلو باذن الله وماتشربيلوش الدواء راكي غير تمرضيه لازم يتعالج نفسيا برك ومع الوقت تروحلو وانا بنتي الان عندها3 سنين وراحتلها والحمد لله...بالشفء عليه

الحمد لله يا اختي لي ربي شفاهالك

بلاك اختي بنتك كان عندها الشحنة برك
مي الاخت دارتلو الراديو و الله واعرة تربية الدراري ربي يعينكم و يحفظلكم ولادكم