مخطوبة جديد

[hadjerjouja]

االلي فيه الخير

[tahri_dvb]

هذا كيما حالتي ننصحك أنك تحني عليه و تعبري على حبك ليه نضن هذا من النوع إذا أكرمت الكريم ملكتة وكل ما تحني عليه وتحبيه راح يننافس معاك ويحاول يكون هو لي يقدم أكثر .

[نارينا]

عمري مادخلت لقسم في المنتدى وقريت باللي كاين جزائري حسب وصفكن غير عصبي .............مسكين الرجل الجزائري بديتيها بتعديد الصفات الحسنة الكثيرة وجات صفة وحدة سيئة خلاتك تنساي كلش ..........والدليل كاتبة فقسم المشاكل الاجتماعية............

[tahri_dvb]

أيه حاكية العصبية والغيرة
غيرة الرجل شيء جميل ودليل على الحب والاهتمام والرجولة .
أما العصبية لازم أنت تكوني تقيلة ولازم تعرفي الأمور لي تخليه يتعصب وتتفاديها وإذا تعصب سايسيه وما تعاكسيهش راح يرجع يهدأ بالخف .

[hadjerjouja]

المشاركة الأصلية كتبت بواسطة tahri_dvb

هذا كيما حالتي ننصحك أنك تحني عليه و تعبري على حبك ليه نضن هذا من النوع إذا أكرمت الكريم ملكتة وكل ما تحني عليه وتحبيه راح يننافس معاك ويحاول يكون هو لي يقدم أكثر .

بارك الله فيك بصح انا مانيش من النوع لي نعبر نحشم بزاف بصح راح نحاول بارك الله فيك

[زوجة الغول]

شوفي يا ختي
الدليل تاع الراجل بلي يحب مرتو هو انو يغار عليها بزااااااااااف وكل ما كثر هاذ البزاف لازمها تفرح .
ما تتعجبيش
هذا أحسن من الي يخليك تديري واش بغيتي وتحكي مع من بغيتي ويقولك أنا متحضر وأنا داير فيك ثقة وأنا وأنا
هذا النوع الثاني تأكدي بلي غرام واحد ما يحبكش
أنا عاقدة ومازال ما دخلتش ومعريفتي بيه تقليدية بصح راهو يغير عليا حتى من أمو وخواتاتو وكي نعيط ونحكي معاهم وهو لالا يولي ما يتفسرش.

ربي يكملك يا ختي

[hadjerjouja]

المشاركة الأصلية كتبت بواسطة نارينا

عمري مادخلت لقسم في المنتدى وقريت باللي كاين جزائري حسب وصفكن غير عصبي .............مسكين الرجل الجزائري بديتيها بتعديد الصفات الحسنة الكثيرة وجات صفة وحدة سيئة خلاتك تنساي كلش ..........والدليل كاتبة فقسم المشاكل الاجتماعية............

يا ودي كي يكون عصبي ما يولي يشوف حتى حاجة قدامو وهذا لي راني خايفة منو مستقبلا بارك الله فيكي

[cherry blossom]

السلام عليكم

ربي يهنيك

[hadjerjouja]

المشاركة الأصلية كتبت بواسطة tahri_dvb

أيه حاكية العصبية والغيرة
غيرة الرجل شيء جميل ودليل على الحب والاهتمام والرجولة .
أما العصبية لازم أنت تكوني تقيلة ولازم تعرفي الأمور لي تخليه يتعصب وتتفاديها وإذا تعصب سايسيه وما تعاكسيهش راح يرجع يهدأ بالخف .

ان شاء الله راح ناخذها بعين الاعتبار هذي النصيحة بارك الله فيك

[tahri_dvb]

ما قصدتش تعبري عن حبك أنك تقوليها بالكلام .
لا كنت نقصد بالاهتام الكبير . والمواقف الجميلة . مثلا أنك تنازلي عن شيء ترودنه لأجله لأنه هو لا يريده وان شاء الله تشوفي شيء رائع منو .

[hadjerjouja]

المشاركة الأصلية كتبت بواسطة زوجة الغول

شوفي يا ختي
الدليل تاع الراجل بلي يحب مرتو هو انو يغار عليها بزااااااااااف وكل ما كثر هاذ البزاف لازمها تفرح .
ما تتعجبيش
هذا أحسن من الي يخليك تديري واش بغيتي وتحكي مع من بغيتي ويقولك أنا متحضر وأنا داير فيك ثقة وأنا وأنا
هذا النوع الثاني تأكدي بلي غرام واحد ما يحبكش
أنا عاقدة ومازال ما دخلتش ومعريفتي بيه تقليدية بصح راهو يغير عليا حتى من أمو وخواتاتو وكي نعيط ونحكي معاهم وهو لالا يولي ما يتفسرش.

ربي يكملك يا ختي

أمين ان شاء الله ليا وليك بارك الله فيك ربي يخليك

[hadjerjouja]

المشاركة الأصلية كتبت بواسطة cherry blossom

السلام عليكم
اختي وحدك رح توالفي تتعاملي معاه , اظن انو حتى والاعضاء ينصحوك , مش كل الحالات رح تنطبق عليك كل اثنين العلاقة تاعهم مختلفة عن البقية
مالا اتصرفي بعفوية وخلي الامور تمشي عادي , فقط حافظي على الاحترام بيناتكم
وربي يهنيك

وعليكم السلام ورحمة الله وبركاته
اكيد كلامك صحيح بصح قلت نستفاد من الناس لي سبقوني يرشدوني شوية وينصحوني كيفاش نتعامل معاه

[hadjerjouja]

المشاركة الأصلية كتبت بواسطة tahri_dvb

ما قصدتش تعبري عن حبك أنك تقوليها بالكلام .
لا كنت نقصد بالاهتام الكبير . والمواقف الجميلة . مثلا أنك تنازلي عن شيء ترودنه لأجله لأنه هو لا يريده وان شاء الله تشوفي شيء رائع منو .

والله راني شحال من حاجة تنازات فيها على جالو بصح مزالو بنفس العقلية وان شاء الله يتغير للاحسن بارك الله فيك ورايحة ناخذها بعين الاعتبار هذي النصحية شكرا

[ZORRO__DZ]

بعض البنات يحوسو على راجل كيما هاك

[hadjerjouja]

المشاركة الأصلية كتبت بواسطة zorro__dz

بعض البنات يحوسو على راجل كيما هاك

لا راك غالط اخي مكانش لي تحوس على واحد كيما هذا على خاطر هذا مش راجل