ظاهرة محيرتنى

sarah_2008 · 2014-07-28, 17:50

السلام عليكم ورحمة الله وبركاته
اولا صح عيدكم وكل عام وانتم بالف خير ان شاء بنعاد علينا بالبركة والايمان
حبيت نكتب موضوع حيرنى يعنى ملى بداو يافيشيو صرالى وعييت نحوس على استفسار ايا قلت نجى عند حبابى هنا بلاك يساعدونى
المهم انا نقرا ماستر وكى كنا نقراو كانت صحبتى كى ما نقولوا حنا مداخلة مع استاد نتاع الاعمال الموجهة ايا كيكمل العام وجاء وقت الامتحانات صح فوتنا وانا مانكدبش عليكم باش نقلكم ماخدمتش خدمت ترى بيان ايا هدى صحبتى مرضت نهار كونترول وماقدتش تفوت عندو امالا سمحلها باش تخرج وما فوتتش . جاء وقت الافيشاش وافيشانا هاد الاستاد انا كى شتها شحال جابت نخلعت والله العظيم لا تشوكيت عطاها 14 وانا 13 مالغرى ماكانتش تقرى عندو كانت عطيتها غير الضحك هى وصحبتها لى تقعد معاها هما زوج عطاوهم 14 ايا ممبعد تلاقيت ماجور دو برومو هى تانيك عطاها 13.5 كى قلتلها قالتلى لازملاك تبدلى العقلية وتصاحبى الاساتدة باش يمدولك غاية وكى تلاقيت صحبتى وسقسيتها زعما دخلت النية مع الهبال قالتلى وهى فرحانة بالمعنى جاتها نورمال وكى كنا نقراو كانت تقولنا انا الاستاد يبغينى وتفكرت واحد النهار تغيب 2 سيمانات وكى ولى قالتلها استاد وليت قالها توحشتينى قالتلها ايه وتهدر وتحكيها وهى فرحانة جاتها نورمال
انا الحاجة لى راها محيرتنى سما فهاد الوقت لازملى نصاحب الاساتدة ونضحك معاهم ونقصر معاهم باش يمدولى غاية بمعنى نبيع راسي من اجل نقطة ولا نقعد انا التالية مع العلم انا جبت المعدل 12 وهى 13 وان شاء الله مانكونش طولت عليكم

ندى العيون · 2014-07-28, 17:54

سا اختي هذه حالة الجامعة
ما تصاحبي ني استاذ لا والو
غير وكلي عليه ربي
و صاحبتك هذي مريضة صح و لا تتمارض يوم الكونترول

sarah_2008 · 2014-07-28, 18:03

اقتباس:

المشاركة الأصلية كتبت بواسطة ندى العيون

سا اختي هذه حالة الجامعة
ما تصاحبي ني استاذ لا والو
غير وكلي عليه ربي
و صاحبتك هذي مريضة صح و لا تتمارض يوم الكونترول

دصح اختى انا رانى عارفة كرامتى فوق كل شئ ولكن هل وصل المستوى الى هاد الحد
لا هى بالفعل كانت مريصة جدا ولوكان ماخرجتش بالاك طيحنا فى الارض
شكرا على مرورك

ندى العيون · 2014-07-28, 18:07

كي عاد مريضة اختي هنا نورمالموا تفوت راتراباج
كاينة واحدة نعرفها مرضت ليوم ليكنترول و تغاشات و على الاخر دخلها الاستاذ لرترباج
و بالتوفيق اختي في دراستك

sarah_2008 · 2014-07-28, 18:10

هو كان حاب يعاونها بصح ماشى يعطيها 14 ما فوتاش لكونترول هاد ظلم والله ظلم لى يقراو ويجبدو قاع العام وفتالى يجي واحداخور يديها بسهولة

first first · 2014-07-28, 18:16

1ولا 2 بخدمتك.........خير من 13 ولا 17 بالرخس لي تحكي عليه

2014-07-28, 18:33

~~الحمد لله لحد الان لم أرى شيئا غير عادي.....ربما انا في اول الطريق....و السنوات القادمة ستكشف كل شيئ...لا أريد ام اصادف مثل ما مررت به~~

~~جامعاتنا مخيبة للامال~~

بيلسان91 · 2014-07-28, 20:15

اقتباس:

المشاركة الأصلية كتبت بواسطة sarah_2008

السلام عليكم ورحمة الله وبركاته
اولا صح عيدكم وكل عام وانتم بالف خير ان شاء بنعاد علينا بالبركة والايمان
حبيت نكتب موضوع حيرنى يعنى ملى بداو يافيشيو صرالى وعييت نحوس على استفسار ايا قلت نجى عند حبابى هنا بلاك يساعدونى
المهم انا نقرا ماستر وكى كنا نقراو كانت صحبتى كى ما نقولوا حنا مداخلة مع استاد نتاع الاعمال الموجهة ايا كيكمل العام وجاء وقت الامتحانات صح فوتنا وانا مانكدبش عليكم باش نقلكم ماخدمتش خدمت ترى بيان ايا هدى صحبتى مرضت نهار كونترول وماقدتش تفوت عندو امالا سمحلها باش تخرج وما فوتتش . جاء وقت الافيشاش وافيشانا هاد الاستاد انا كى شتها شحال جابت نخلعت والله العظيم لا تشوكيت عطاها 14 وانا 13 مالغرى ماكانتش تقرى عندو كانت عطيتها غير الضحك هى وصحبتها لى تقعد معاها هما زوج عطاوهم 14 ايا ممبعد تلاقيت ماجور دو برومو هى تانيك عطاها 13.5 كى قلتلها قالتلى لازملاك تبدلى العقلية وتصاحبى الاساتدة باش يمدولك غاية وكى تلاقيت صحبتى وسقسيتها زعما دخلت النية مع الهبال قالتلى وهى فرحانة بالمعنى جاتها نورمال وكى كنا نقراو كانت تقولنا انا الاستاد يبغينى وتفكرت واحد النهار تغيب 2 سيمانات وكى ولى قالتلها استاد وليت قالها توحشتينى قالتلها ايه وتهدر وتحكيها وهى فرحانة جاتها نورمال
انا الحاجة لى راها محيرتنى سما فهاد الوقت لازملى نصاحب الاساتدة ونضحك معاهم ونقصر معاهم باش يمدولى غاية بمعنى نبيع راسي من اجل نقطة ولا نقعد انا التالية مع العلم انا جبت المعدل 12 وهى 13 وان شاء الله مانكونش طولت عليكم

صحا عيدك
مازال تزيييدي تشوفي انا قريت 5 سنين فالجامعة وكرهت حياتي منزيدش نقرا وعدت منحبش نقرااا
كاين وحدة قرات معايا متجيش تقرا خلاااص العام كامل وتدي مليييح ف التيدي ولي كونترول وتجيب لا موايان خير من الناس الي تجي يومي مع العلم انو عندنا 3 غيابات تسما اكسكلو يعني متزيدش تقرا ابدا على الغيابات الي دارتهم مي هيا مع هدا كل تجي وتدي العلامات المخيرة طيلة 5 سنين
المهم وكي ندخلو للكونكور تزيد تتكلاسا خير من الغاشي بارسكو عندها لا موايان مليييحة
والمشكل الكبير غير تقفل فمها برك تلقايها تزيد تتمشرك على العباد

وهدا اي قطرة برك من ال 5 سنين

هيبة الصمت · 2014-07-29, 00:15

ياو ماشفتي والو

خلي البير بغطاه برك والله يستر نا ويستر بنات المسلمين

والله يهدينا ياربي