خصوصية رقمك الهاتفي

[*نآدرة~]

السلام عليكم ورحمة الله تعالى وبركاته
يكاد لا يخلو جيب اي شخص من هاتف نقال،حتى تعدى الامر الى الصغار فقد اصبحت الهدية التي يعد الأب بشرائها لابنه اذا تفوق،الحقيقة انه سهل امورا كثيرة حتى انه أصبح المشارك الاساسي والمساهم في الكثير من الزيجات النجحة
موضوعي ليس عن الهاتف النقال فهو غني عن التعريف،بل الموضوع بل الاستفسار يتعلق بخصوصية رقمك الهاتفي،كثيرا ما اسمع بنات يقلن لي ان رقمي خاص وأتجنب اعطاءه للجميع حتى اني اخفي أحيانا أمر اني أملك رقما اصلا،ربما معن الحق فيما يقمن به فالرقم بصراحة أصبح كبطاقة التعريف ان هو عرف ذاع وصار بامكان النفوس الضعيفة باستفزاز صاحبتها،الامر كذلك بالنسبة للرجل فالكثير منهم يمتنع عن اعطاء رقمه لكل من يطلبه واحيانا يتجنبون الرد عن الارقام الجديدة،لست ادري لم
المهم:
ماذا عنكم انتم:الى اي حد تعتبرون رقمكم الهاتفي ذا خصوصية؟؟
وهل تعطي رقمك لكل من يطلبه؟؟
ماذا ان وجدت رقمك بحوزة احد لم تعطه رقمك سابقا بل علمت انه أخذه من احد غيرك؟؟هل سيزعجك الامر؟؟

مجرد تساؤلات خطرت في بالي

[سعاذ]

السلام عليكم
صراحة رقم تاعي برك معنديش مشكل معاه لي يطلبو نمدو بصح هذا بضوابط
واي نيمرو يعيطلي نهز معدى ماسكي و حتى لكان واحد فارغ شغل نهز عليه خطرة اولى و لاسمط نحطو في لاليست بلوكي و نخليه يعيط حتى غدو صبح و عندى وقت صح من تاسعة تاع الليل اي نيمرو منعرفوش منهزش
انا انسانة ماشي اجتماعية يعني نيمرو تاعي راهو عند عباد قلال بزاف
دمتم في رعاية الله و حفظه

[BAROUD]

بالنسية لرقمي عادي
يمكن اعطيه للبعض
لا اخفيكم انو عندي ميلينيوم و نقدر نفرف شكون ساهل
احيانا تظهر ارقام جديدة نفوت مرة اثنبن و نرفد عليه مش من اول مرة نرفد ممكن يكون غالط ف تشكيل الرقم او شيء من هذا
قبل هذا الجوال لازم نتكلموا عن ايجابياته قبل سلبياته لانو اول مرة اخترعوه كا نوا يبحثوا عن وسيلة اتصال تسهل التواصل فيما بين البشر
لكن

للاسف ضعاف النفوس جعلوه وسيلة ابتزاز و ازعاج و غير ذلك

[YouCefo_dz]

عادي رقم هاتفي هو 05 5 5 21 ..

[المحقق PC]

وعليكم السلام ورحمة الله وبركاته

بالطبع أعتبر رقمي الهاتفي ذا خصوصية ولكن لا مشكلة لدي في إعطائه لمن لي معرفة به.

رقمي لدى جميع زملائي تقريبًا سواء أخده مني أو من أحد الزملاء وأنا أعلم ذلك ولكن لا أنزعج من هذا التصرف إلا في حالات الشادة.

[soso sirin]

انا رقم الهاتف تاعي مانبغيش نمدو لاي واحد حتا في الخدمة مانيش ماداتو للناس كامل و اذا مديتو لاي واحد معنتها دايرا فيه ثقة كبيرة.و مانمدوش لاي واحد يقولي مديهولي .

[مراد الأمل]

[مراد الأمل]

رقم الهاتف أكيد عنده خصوصية سواء للذكر أو الأنثى
و الأنثى أكثر خصوصية

[الدلفين]

ليس لدي مشكل في إعطاء رقمي للناس الذين أعرفهم، وأرد على المكالمات التي ترد بأرقام جديدة، ولكن لا أزيد في الكلام على اللذين لا أعرفهم: (راك غالط ماكانش مشكل بالسلامة ونكوبي). مين نكون قاعد نرد، ومين نكون مشغول مانردش على اللي حاب يجوز الوقت، والأرقام المخفية (masqué) ما نردش أيضاً.

المشكلة عندما يطلب منك شخص أن تعطيه رقم شخص آخر؟؟؟ صراتلي البارح قلتله اقطع دروك نرسلهلك ميساج، ومن بعد عيطت للشخص الثاني باه نشاوره يلا نمد رقمه ولا لالا ، المشكلة لقيته غالق الهاتف، الحل؟؟؟ سؤال الشخص الأول ليس مقبولاً، وإذا قلتلو مانقدرش نمدلك الرقم ما تقولوليش رايح يتفهم، لأن عقليتنا باينة يقولي مافيها والو وهذا غير نيميرو، وعلاه راك تزيد فيهاو..و..و.. إذن
.
.
.
.
بلعت الهاتف تاعي ورجعت نكمّل قرايتي، كرهنا مالمشاكل ورضى الناس غاية لا تدرك


شكراً على طرح الموضوع، هذا رأيي بصراحة، وعذرًا على الإطالة

[انانيس]

شكرا لك على الطرح القيم اختي "الشذى الفواح"
بالنسبة لرقم هاتفي اعتبره خصوصية امنحه فقط لاناس اثق بهم لاننا نعلم الكثيرين من مستخدميه يركزون فيه على الجانب السلبي لذا ينبغي ان نتاكد من حقيقة الناس اما عن سؤالك عن اذا ماصدفنا رقم جديد اان بالنسبة لي اجعل احدا من افراد اسرتي يرد فان والصراحة اكره ان تتصل بي صديقاتي مثلا بارقام لااعرفها
بارك الله فيك

[هدى الجيجلية]

السلام عليكم
اختي
الشدى الفواح
والله رقم هاتفي
اعطيه لناس معينة لا غير
زميلاتي بالعمل
اولاياء التلاميذ
النساء طبعا
ولكن اعطيه لناس ما اعرفهم
لا هذا غير جائز

[miimicha]

رقم هاتفي اعطيه لاشخاص اهل لثقه ولا ارد على رقم جديد سواء ماسكي
مايعجبنيش كي يمدو نيمرو تاعي
شكراااا

[مريم الصابرة]

السلام عليكم اختي
موضوع جميل خليني نقولك
رقمي نمدو للي ندير فيهم ثقة والحمد لله لقيتهم يستاهلو ثقتي وأصلا انا ما نعمرش راسي يكثر تكسار الراس نروح ونكسرها ونجيب وحدة لا مشكل ورقمي الحالي شريتو بيه بالغاشي لما ركبتها تتخيلي جديدة بداو لمساج يوصلو لفتاة حتى شكوني في روحي وبداو الإخوة يعيطو والله يبارك كامل رجال حتى مليت نمد لامي ترد وتقولهم لابوس جديدة والفتاة هذيك ما نعرفوهاش وكلهم من نايس الغرب واه وشاولا اللي نحبهم بزاف ههههههه لكن اكيد ما نحكيش راك غالط يا اخي والسلام وتتخيلي واحد نقولو اخي راك تحكي مع إمرأة متزوجة الفتاة اللي راك تحوس عليها مارانيش انا هي يقولي بكل وقاحة معليش متزوجة وين المشكل يا ويلي
يعني مرات نبقى بلا تلفون بالأيام عادي لأانو صراحة كاين ناس ما يحترموش أنفسهم شكرا وبارك الله فيك

[wafamida]

يا اخي الكريم على ما اظن ان خصوصية الرقم تكون عند المرأة المنتزوجة اكثر مثلا انا رقمي عند اهلي فقط و صديقتين و كي نضطر نمد رقمي نمد رقم زوجي وقت فات كي يعطلي رقم ما نعرفوش ما نردش و اذا كان زوجي في البيت نمدلو يجاوب و الان راني مدايرة ليست بلوكي او القائمة السوداء ما يشدونيش غير اللي في قائمة الاتصالات les cantacts اللي عندي و على ما اظن كل ما يكون الواحد عندو خصوصية كل ما يتهنى من تكسار الراس

[رانيا3]

شكرا لموضوعك الاكثر من رائع
صراحة بالنسبة لي
نمد رقمي للي ندير فيها تيقه لا غير
و اصلا كي تكون زعما وحدة ما تعرفنيش مايش راح تطلبني فالرقم تاعي

وانا ما نتغشش من وحدة كي تمد رقمي لطفلة اخرى وتكون تعرفني يعي ممكن احتاجت حاجة
ولا كان عندها رقمي وضاع و لكن افضل دوما و اراها تربية انو قبل ما نمد نيميرو تاع وحدة
نشاورها لا قاتلي ايه نمدو ولا ما حبتش نقولها سمحيلي
و نعرف بنات صدقيني من ناحية هاد الموضوع راهم مقفلين باين عندهم قصص معاه ما نحبش نسقسي برك

اخيرا نقول
كل انسان حر في اعطاء رقمه لمن اراد و من التربية والاخلاق طلب الدن من صاحب الرقم قبل اعطائه الى شخص اخر
هدا رايي
و جزيل الشكر لك اختي الشدى الفواح على الطرح الرائع للمضوع وإلفات نظرنا الى موضوع هام كهدا