لبارح درتها وحطيت صورتها و بعض اخوات عجبتهم قلت منبخلش عليهم ونكتبلهم وصفة
نبداو بكراميل : ندير كاس سكر وقطرة ليم على نار هادية حتى يولي كراميل ونفرغو بالتساوي في بلا دائري ولا متل لستعملتو انا متقوب في وسط ونخليه يبرد
بفي نفس وقت ندير طبقة تانية
كريمة كراميل :3 بيضات وكيس فانيليا قطرات ليم و كاس سكر وزوج كيسان حليب وربع كاس حليب غبرة نديرهم في خلاط حتى يولي لونهم ابيض نشد
صفاية ونصفي خليط فوق كراميل برفق وبتساوي ونخليهم ونروح ندير طبقة تالتة
ندير زوج بيضات وفاني ونصف كاس سكر نضربهم مليح ونزيد نصف كاس زيت نقص سرعة ونزيد كاس وربع فرينة مغربلة نخلط ونزيد ربع كاس كاكاو
ونزيد 2 مغارف صغار خميرة حلويات ونفرغ كل فوق كريمة كراميل بالتساوي راح تشوفو تخلطو شوية بصح كيبداو يطيبو راح تتشكل طبقات
طريقة تحضير نجيب بلا اكبر من بلالفيه كيكة ويكون ارتفاع غامق منه او ارتفاعه يوصل لنصف كيكة نحط بلا لفيه كيكة في وسطو وندير لماء ساااااااخن
في كبير وراح تتغطى نصف كيكة بالماء
نصيحة اذا كان بلا كبير وراح ديرو ماء ساخن كترفدوه ممكن يسقط عليكم من احسن تحطو بلا صغير في وسط كبر بدون ماء في فرن ومنبعد ديرو ماء
ساخن في بلا كبير حتى تغطو نصف كيكة ونشعلو فرن من قبل نطيبو على نار متوسطة ومن تحت فقط لمدة 45 د او اكتر حسب فرنكم ولما ندخلو سكين
لتحت ويخرج ناشف نطفو تحت ونشعلو فوق لتواني فقط ونخلوها تبرد وندخلوها في تلاجة ل 3 ساعات او اكتر وكينخرجوها نديرو نفس طريقة نديرو بلا
اخر اكبر منو وندير ماء ساخن ونخلوه دقيقة ونقلبوه فوق طبق تقديم
وان شاء الله نكون افدتكم
( تقرير عن مشاركة سيئة )، و الموجودة أسفل كل مشاركة .
2016-02-29, 01:02
كيكة الكراميل بالكاكاو الرائعة
العرض العادي
