مشكلتي مع امي

[مشكلتي]

بسم الله الرحمن الرحيم

مشكلتي انا و ا مي فانا الفتاة الكبرى و لدي اخت اصغر مني بعامين انا دائمة المشكال مع امي بسبب اشغال البيت دائما تقول لي لماذا لا تقومين بكذا لماذا لم تفعلي كذا مع العلم انا لا اجد ما اقوم به فاقول لها قولي لي فقط فسوف افعل ما تريدين فترد عليا بأنني كبيرة و لا احتاج لتوجيهي اي احد فأقول لها لست وحدي في البيت لما لا تقولي لاختي فتقول لي بانا اختك تدرس فانزعج و اقول لها ( ماشي داري وحدي لوكان جات داري كنت راني درت كلش كعاد نعرف واش اخص فيها او واش ما يخصش ) فتنزعج جدا من كلامي رغم اني و الله لا اقصد
ارجوكم ما العمل ؟؟؟

[/زهرة عصفور الجنة/]

اختي أمك تريد ان تجعل منكي ربة بيت جيدة وهي محقة فليست مجبرة ان تقول لكي افعلي كذا وكذا الاعمال اليومية للتنظيف واضحة من ترتيب الغرف ومسح الغبار ومسح الارضية وغسل الملابس والاواني ووووو حاولي التقرب من امك ولا حذي طريقة ادائها للأعمال المنزلية وكوني يدها اليمنى حاولي ان تساعديها دائما مثال عندما تكون أمك في المطبخ ساعيديها في غسل الاواني تقشير الخضر ولا ترفعي صوتكي عليها

[جيجلية]

طريقة كلامك مع أمك خاطئة من ساسها لراسها

أنا بطبيعتي نكره البنات اللي لو كان ما تقوليلهومش اخدمو هديك الحاجة ما يخدموش وكاين منهم بزاف

انت ديري برنامج كل يوم واش اديري والخدمة اللي تشوفيها ماشي في مكمانها عدليها

ولا داعي لاستفزاز والدتك فهي تريد مصلحتك

[amina-alaa]

نقولك حاجةاختي راك غالطة200 في 100
يماك تحوس على صلاحك
و هكذا كانت دير معايا يما و ما حسيتش واش كانت حابة تقول لي غير كي تزوجت
ولييت نعمل اشغال البيت كلها و بلا ما تحكمي علي زلة
يماك ربي يحفظها راهي حابة
تردك مرا ونص

[داعي الله ياسين]

نِعم الأم رب يحفضهالك والله
بعد الزواج عودي لهده المشاركة لتكتبي فيها
رب يحفظك يامّا ....

والله أنتِ في نِعم مع مثل هته الأم فاحدري أن تصدق فيكِ
" من كان في نعمة ولم يشكر خرج منها ولم يشعر "

ادعي لها بالحفظ في صلاتك وطول العمر.. هي ترى مصلحتك لا غير
فقط في ليلة زفافك وانتِ خارجة من بيتكم سترين دلك الشعور في الابتعاد عنها ( تسترحمي بيها ) لهدا اغتنمي تواجد أمّكِ لجانبك وليست قساوة أبدا تلك ..هي الطيبة وحب الخير لكِ ولا نشعر بهدا الخير إلا عند فقدانه

فلو تقرا إحداهنّ من اللواتي فقدن أمّهم ستكتب لكِ والدمع يسري من عينيها
لأنها تتدرك من فقدت وأنت تنعمين بها

ليست مشكلة هاته أبداً ولن تنتمي لهدا القسم أبداً بل هي نعمة نرجوا ألاّ تفقديها

تهادوا تحابّوا (اهدي لها هدية سترين دلك الشعور ) مجربة والله

[doudou belle]

اختي العزيزة لازم تحوسي انتي على الخدمة موش حتى تقولك هي حاولي تعودي روحك هكا حتى كي تتزوجي بربي ان شاء الله تكوني متعودة موش حتى ينشعوك و يقولولك اخدمي امك تحب صلاحك حاولي تكسبيها بلسانك لحو و ظرافتك و متعليش صوتك على صوتها راهو عيب و عمرك لا تقارني روحك مع اختك حاولي تخدمي لي تلقاي قدامك و رح تشوفي كيفاش امك يعجبها الحال و تطمن عليك و ممكن حتى تتوله هي مع اختك و تقوللها عاوني اختك راهي تعبت . و ربي يعاونك باش تكسبي رضا امك لانو رضاها من رضا الرب.

[hamza touazi]

يماك تحبلك الخير اختي فالله اصبري البر بالواليدين من اسباب دخول الجنة

[*بسمة أمل*]

المشاركة الأصلية كتبت بواسطة داعي الله ياسين

نِعم الأم رب يحفضهالك والله
بعد الزواج عودي لهده المشاركة لتكتبي فيها
رب يحفظك يامّا ....

والله أنتِ في نِعم مع مثل هته الأم فاحدري أن تصدق فيكِ
" من كان في نعمة ولم يشكر خرج منها ولم يشعر "

ادعي لها بالحفظ في صلاتك وطول العمر.. هي ترى مصلحتك لا غير
فقط في ليلة زفافك وانتِ خارجة من بيتكم سترين دلك الشعور في الابتعاد عنها ( تسترحمي بيها ) لهدا اغتنمي تواجد أمّكِ لجانبك وليست قساوة أبدا تلك ..هي الطيبة وحب الخير لكِ ولا نشعر بهدا الخير إلا عند فقدانه

فلو تقرا إحداهنّ من اللواتي فقدن أمّهم ستكتب لكِ والدمع يسري من عينيها
لأنها تتدرك من فقدت وأنت تنعمين بها

ليست مشكلة هاته أبداً ولن تنتمي لهدا القسم أبداً بل هي نعمة نرجوا ألاّ تفقديها

تهادوا تحابّوا (اهدي لها هدية سترين دلك الشعور ) مجربة والله

بارك الله فيك
اختي ما لونته من كلام الاخ اقرئيه جيدا وتمعني فيه
تعرفين لم استطع كتابة كلمات اخرى لانني لا اريد ان ابدا البكاء اما العائلة
يا رب ارحم امي واجمعني بها في جنتك
يا رب يطول في عمرك امك

[داعي الله ياسين]

المشاركة الأصلية كتبت بواسطة حنان عيسى

بارك الله فيك
اختي ما لونته من كلام الاخ اقرئيه جيدا وتمعني فيه
تعرفين لم استطع كتابة كلمات اخرى لانني لا اريد ان ابدا البكاء اما العائلة
يا رب ارحم امي واجمعني بها في جنتك
يا رب يطول في عمرك امك

رب يرحم والدتكِ وأمهات المسلمين يــارب
ورب ايشدلك في باباك (أنا فقد والدي مند التالثة من عمري )
اللهم ارحم موتانا وموتا المسلمين

[ام ملاك.]

الله غالب هذي مشكلة قع البنات مي واش تديري يماك وماتقابحيهاش ديري اللي تقدري عليه وخلاص بلا كماتزيدي في الكلام معاها عييتس قوليلها عييت وخلاص

[لينة نور]

أظن أني فهمتك أنت تقصدين أنه لو أن لك بيت لعلمت مذا قمت باعمال وبما هو في الانتظار لينجز .

لكن أمك ليست في عقلك .....أصلا دارجتنا لهجة فقيرة لا نستطيع التعبير بها عن الكثير من ما نود قوله .

أظن أن أمك تفهما أنه لو لك بيت سوف تعملين وأن بقائك عندها مؤقت وأنك تريدين القول هذا بيتك أنت

من مسؤوليتك وليس من مسؤوليتي .فيزعجها ذلك .والله أعلم

لا عليك من أختك حتى وان قمت باعمالها كما يقول المثل [ الذراع الوافي ما يحافي ]

ثم اعلمي أنه نحن معاشر النساء أكثر صدقاتنا من أعمال أيدينا

يعني كلما عملت شيئ في البيت اعلمي ان الله لا يضيعه ان الله لا يضيع أجر المحسنين

[ لقد فهمت أنك غير مقصرة أقول هذا فقط للتذكرة ]


ثم ان هذا طبع كل الامهات تقريبا .....تقربي منها عزيزتي وحاوريها وضحي لها قصدك

لا تستحي يجب أن يكون بينكما حوار متبادل ولتجنب المشاكل

اساليها بين الفينة والفينة [ هل هناك ما أقوم به أمي غاليتي ]

حفظك الله لامك وحفظها لكم وأدامها تاجا على رؤوسكم


هدية


امي كم اهواهاأشتاق لمرآها

واحن لألقاهـــــا وأقبل يمناهــا

امي كم اهواها اشتاق لمرآها

امي هي نبع حنان امي هبة الرحمن

والروح كما الريحان اتعطر بشذاها

امي هي احل الحور يبدو في الوجه النور

امي فرح وحبور وضياء يغشاها

فأدم امي بامان وسلام يا حنان

ولترضى يا رحمان اكرمني برضاها

منقول

[AMINA.Z]

المشكلة عادية اختي كل بنت تعاني منها
انا كنت مثلك راسي خشين مانخدمش حتى ماما تقولي و انا ما عنديش خواتات بنات على بيها كلش على راسي
وزيد نقرا
مي بالصح و الله قنعت بلي الام تاعي كانت تعيط على جال مصلحتي و رجعت نحب نخدم و نحب نتعلم كلش
غير باه كي نتزوج ما نتبهدلش بويسك شفت واش راهو صاير في البنات الخايبات
المهم اختي
انت كرهتي من المشاكل اللي في الدار
الحل راهو في يدك
بالاك تبانلك راكي رايحا تتنازلي على حقك و لا حاجة كيما هك
مي و الله كي تجربي راح تحسي بلي مايصرا والو كون تديري واش تقولك يماك بالعكس راح ترتاحي و تريحي يماك معاك
ديري الكوراج برك و كلش ساهل
ربي يحفظنا امهاتنا و يعينا على طاعتهم

[عاشقة امي]

اختي نصيحة مني لاتردي على امك
فهي تريد ان تكون اشطر بنت على ههدا تقلك هكدا انا تاني ماما الله يرحمها كانت تقولي علاشمادريش هادي ....... بصح في الغيبة تحكي وتقولهم انا لازم نديرلها باش نسجيها
امك تم امك تمامك

[بلسم غرام2018]

كما قال الاخوات