أريد انشاء supérette

[msirdia]

لدي مسكن هش لا تتجاوز مساحته 80 متر مربع بوهران غير صالح للسكن وليس لدي ما يمكنني من بنائه
عرض علي أحد الأقارب محله دون مقابل لانشاء supérette علما أن المحل غير مهيئ .راودتني الفكرة كون المحل موجود في حي راق و supérette المتواجدة هناك قرر صاحبها نقلها لولاية أخرى أي الزبائن موجودون .هل اذا بعت المنزل أو بالأحرى قطعة الأرض أتمكن من تهيئة المحل و شراء السلع ساعدوني على الأقل في تحديد المبلغ الأدنى المطلوب .ليس لدي سوى أجرة عمل شهرية و أنا أم لطالبان ثانوية
أو انصحوني بمشروع آخر
جازاكم الله خير

[sofiene DZ]

اولا تحتاجين لشاحنة لنقل السلع وعمال للبيع ويجب ان يكون المحل واسع

[amira2013]

اذا عندك دراهم بزاف هدميه وعاودي ابنيه من 0

[hocine 23]

السلام عليكم اختي العزيزة
ننصحك نصيحة من اخ الى اخت . قطعة الا رض نقولو بعتيها او خدمتي لمحل او بديتي تخدمي جاك صاحب المحل قالك اخرجي من المحل او متفاهمتوش اله لا يقدر . هو راح يربح الحانوت مخدوم او كولشي او نتي اختي تقاي روحك خاسر الارض او دراهم لي خدمتي بيهم
اختي ماتبيعيش الارض تاعك عندك الدراري او زيد حاب تبنيها معندكش الدراهم ديري قرض من البنك او ريبيها او ابنيها من 0 ديري 2 محلات كبار كريهم او هوما يخلصو الكردي تاعك تو هكا تربحي الرض و لحوانت كي تكملي تردي القرض ديري سيبيرات او هكا متقيسيش شهرية ولادك
اختي راكي مديدريش دار من السيبيرات بسوهولة او زيد العقار راخ يمشي او يزيد متكلحيش روحك
ديري حوانت اقي الريد شيصي او اكريهم او القوث خليها مادام عندك وين توسكني .خمي بلي عندك الدراري راخ لي يبيع دورك غير المهبول
او ربي يكمل ا ختي اشاء الله يكون فادك خوك ولا وليدك الشاوي مع العلم عمري 19 سنة

[سمرجان]

صح راي الاخ houcin 23 صائب بارك الله فيه على النصيحة

والله يعينك اختي وييسر لك امورك

[ام البنوتة]

فعلا اختي لما تفكري تديري حاجة ديريها من حر مالك ومن حاجتك حنى لو تعطلت شوية في الاخير العقار راه يطلع ماشي يهبط و كيما قال الاخ حسين ريبي و ابني و لو بالعقل او حتى تسلفي من معارفك و ديري زوج حوانت و اكريهم الكراء راهو على الاقل لسنتين .شوفي ناس تاع خير تسلفلك الدراهم و ابداي خطوة خطوة لكن تخدمي في محل غير مضمون لا انصحك بذلك اختي
لكن ابداااااا لا تبيعي الارض لانه سياتي عليك يوم و تندمين خصوصا انو عندك اولاد..الدراهم راهم يتصرفوا و مع التضخم لي رانا فيه حاجة تشريها العم هذا بمليون غدوا تلقايها 2 ملاين لكن العقار قيمتو محفوظة+الفايدة الاكيدة

[عذراء الجبل18]

Rayy kima l2akh hocine 23
rabi ywafa9

[diyaa2013dz]

لا تبيعي الارض حاولي البناء حتى لو كان خلال سنتين
المشروع المعروض عليك مربح لكن يلزم تسيير و صعب جدا انا عندي اصحابي في سنة خسرو من مشروع supperette
الافضل تحتفضي بالارض و تحاولي تبني و حذاري فقط من قرض البنك فيه ربا واحسن تشوفي الاهل و الاقارب يساعدوك تبني محلات و تكري و ترجعي الدين لي عليك احسن

[مواطنة]

اختي قطعة الارض اذا بعتها لا تستفيدين منها الا اذا حطيتي اموالك مباشرة في بناء ذلك المسكن الهش و لو الطابق الارضي عندما يكتمل اجريه و اذا ربحت منو زيدي ابني فوق شقق صغيرة او استديوهات و اجريها تاني نصيحتي ليك بالنسبة للمراة هذي تجارة مربحة و راس مالك باقي عندك لانه عقار و سومتو ديما تزيد و في نفس الوقت لن يتطلب هذا العمل جهدا و لا تفكيرا دائم لا في العمال ولا في السلعة لكن يجب عليك التنقيب على ناس ثقة للبناء حتى يسرعو في الانجاز في النهاية يكون مسكن لاولادك كي يكبرو .
اما عن ذلك القريب انصحك كاخت لا تضعي اموال بيع الارض في تجارة غير مضمونة اوللشراء سلع دكان بالنهاية قريبك يبقى دائما لديه الدكان و انت اموالك تبقى في السلع شو استفدت
احسبيها مليح ولا تثقي كثيرا في اصحاب الافكار التي تفيد مصالحهم فقط ما غلطوش لي قالو الشركة هلكة قوليلو بلي ماراكيش مقتنعة بالسوبيرات و تخافين عاى اموالك و فقط وقوي موقفك لا تتورطي ابدا في الشراكة عندي قريب ليا شاطر في التجارة كلما يدخل مع ناس في شراكة يخرج بخسارتين الاولى مادية و الثانية تروح الثقة بينو و بين الشريك و الشريك المخير المليح يقدر ينسحب من العمل في اي لحظة من الخاسر .......اكيد مول النية .
اختي نحكيلك على وحدة قريبتي مراة فاتت 75سنة كان لديها مسكن و زوجها عندو شهرية بحكم ان هذى المراة كانت تتاجر اشترت قطعة ارض بكري من بعد عرضو عليها كاركاس صغيرة ب 100 مليون شو عملت
باعت الارض و اشترت الكاركاس و بناوها بشكل بسيط جدا اليوم الدار راهي سومتها تقريبا مليار و هذي القصة من 10سنوات
و اللي دبر عليها تاجر كبير في البلد و اغلب كسبو من العقار
يعني ربحت في لافير هههههههههههههههههههه
اتمنى لك السداد و استخيري الرحمان

[chiadimarwan]

ب التوفيق .....ربي يسهل

[AyOuB0587]

اذا منزلك الهش أو قطعة الارض لا تفكرين حاليا بالاستفادة منها فيمكنك بيعها
والبداية مع مشروع محل بيع مواد غذائية اذا ضمنت المكان والزبائن فضلا عن قريبك هذا
يجب ان تكتبوا اوراق اثبات انه وهب لك المحل أو اعطاك اياه للعمل دون اي مقابل
حتى لا يحصل خلاف
هذه نقطة مهمة جدا فكوني على حذر فالنفوس تتغير اذا وصل الامر الى المال
مرة اخرى مشروع محل المواد الغذائية جيد بحول الله اذا المكان جيد
اقل قيمة مطلوبة قد تكون 200 مليون على الاقل والله اعلم