انا في حيرة من امري

ام دينة · 2014-05-23, 15:56

السلام عليكم
ساروي قصتي وانتظر رد في اقرب وقت
انا متزوجة منذ 3 سنوات عمري 26 و زوجي 37 سنة عندي بنت عمرها سنة و نصف وجدت صعوبات كثيرة اثناء الولادة 3 ايام وانا اعاني من الم شدييييد و في الاخير عملت عملية قيصرية المهم بقيت اتذكر المعانات و الحقرة من طرف القابلات عندما اتذكر تلك الايام ابكي كثيرا و ادخل في حالة كااااابة حقروني بزااااااااااااااااااف
والان زوجي يطلب مني ان احمل ثانية ويقول انني ظلمته و انه كبير في السن و حاب يشوف اولاده يكبرون معه و طلب مني ان اتوقف عن تناول الدواء و الا سيكون له تصرف اخر
انا خائفة من الام الولادة
اخواتي حبيباتي انا في لمس الحاجة لرايكم و نصيحتكم

ندى الصبح · 2014-05-23, 16:24

السلام عليكم اختي
هذا ليس بالمشكل الكبير عليك فقط التوجه الى عياده توليد خاصه صح تخسري دراهم بصح يتهلاو فيك مليح وماكا الي يحقرك
وربي يهنيك مع زوجك ما تكبريش لحكايه

fella111 · 2014-05-23, 16:28

اقتباس:

المشاركة الأصلية كتبت بواسطة ام دينة

السلام عليكم
ساروي قصتي وانتظر رد في اقرب وقت
انا متزوجة منذ 3 سنوات عمري 26 و زوجي 37 سنة عندي بنت عمرها سنة و نصف وجدت صعوبات كثيرة اثناء الولادة 3 ايام وانا اعاني من الم شدييييد و في الاخير عملت عملية قيصرية المهم بقيت اتذكر المعانات و الحقرة من طرف القابلات عندما اتذكر تلك الايام ابكي كثيرا و ادخل في حالة كااااابة حقروني بزااااااااااااااااااف
والان زوجي يطلب مني ان احمل ثانية ويقول انني ظلمته و انه كبير في السن و حاب يشوف اولاده يكبرون معه و طلب مني ان اتوقف عن تناول الدواء و الا سيكون له تصرف اخر
انا خائفة من الام الولادة
اخواتي حبيباتي انا في لمس الحاجة لرايكم و نصيحتكم

اختي للاسف هذا حقوااااااااااااا ليس من حقك ان تمنعيه
وان جاء الله هاذي المرة يكون الالم اقل .........يعني الولادة الاولى هي الصعبة .........بعد ذلك تكون الامر اسهل
ثم انك بمجرد ان تحملي طفلك بعد الولادة تنسين الالم ....................شدي حيلك و لو

هذا هو الدور الطبيعي للمراة امالا لماذا الجنة تحت اقدام الامهات ......ماجاوش الاولاد بالساهل. مع الوقت يصبح الامر اسهل ما تخافي ما والوا

و ربي يهنيك

ailemak · 2014-05-23, 18:11

يا أختي مازالكم صغار , 37 عام قالك كبير!!!!!! bref, راني مع رأي fella111 و ندى الصبح
يا أختي فرحي راجلك و فرحي و فرحينا, برك راكي تت الصدمة, إدعي ربي و توكلي عليه و ما تنسايش تخرجي صدقة بنية ربي يخفف عليك و يجيك كلش ساهل
إيا كيما قاتلك fella شدي حيلك يا ختي, و جيبيلنا bb, و غادي تقولي ياااااااه واش كنت مضيعة, و قولي ماقالتهاش ailemak
ربي يسهلك الصعيبة و يفرحك

ام دينة · 2014-05-23, 18:16

شكرا حبيباتي على اهتمامكن بي ساعمل بنصيحتكن هذا ما كنت ابحث انسان يشجعني
جزاكن الله الف خير

~~nilly~~ · 2014-05-23, 18:50

ماهدا زوج الاناني

هو لا يهتم لكي ان متتي في الولادة
وايضا يهددك لااريد ان اعطيكي رائي لان راسي يوجعني في هيك امور
رب يكون معاك

ايمان نور الجزائر · 2014-05-23, 18:52

يااااااااا اختي الله غالب هادي بلاد نتاع حقرة وهوما ربي وكيلهم
للاسف لو كنتي في مدينتي كنت اعتنيت بك ووصيت قريباتي= قابلات على الاعتناء بك
ننصحك ان تحاولي تنساي المعاناة والالم في جال تفرحي نفسك وزوجك بولد
وتاني روحي لكلينيك بريفي خسارة دراهم والا وجوه الغم
بدراهمك راح يتهلاو فيك اكيد

naamane3 · 2014-05-23, 21:07

يقال ان الام الولادة تمحي كل الذنوب
ومن ماتت وهي تلد ماتت شهيدة
هل توجد رحمة اكبر من هذه الرحمة

الملتزمة بالدين · 2014-05-23, 22:25

السلام عليكم

هي الولادة الاولى تجي صعيبة برك ومبعد تجيك ساهلة بادن الله

توكلي على الله وفرحي زوجك وجيبي أخ أوأخت لبنتك

موفقة أختي