ساعدوني قرب وقت ولادة

[زوجة لزهر]

من فضلكم هل يمكن اخد دودون لاخراج المولود من المستشفى

[عطر الجوري]

ana tani 9rib newled rabi yjiblna wa9fa sahla wechnou doudoun 9asdek london matedihch m3ak ki teweldi wassi rajlek wela mamak yjibouhoulk ki teweldi tbati lila fe sbitar w ki yjou ykharjouk jibouhoulk ana ray7a nedi couvrrture

[زوجة لزهر]

لودو نعم،والله من كثرت ماراني نحسبذهبلي كلش
ربي يسهلك اختي و شكرا على الاجابة

[mounia 85]

مافهمتش واش هو دودون ختي ......اما اكيد فالبرد هذا لازملك حاجة تكون خشينة تلفيه بيها كي تعودي مخرجتيه
الا قدرتي تحطيها فالكابة والا ماقدرتيش خليها فالدار ووصي راجلك يجيبهالك معاه كي يعود جاي باش يخرجكم
وربي يكون معاك ومعانا كامل

[أم شروفة]

ربي يسلكك بخير.ثم قولي الى زوجك يجيبولك لأنك لازم تباتي في المستشفى وما تحتاجيهش حتى تكوني خارجة

[ام ندى 87]

اكيد لازم اختي وربي يسلكك على خير

[الماسة النادرة]

انا شريت ني دونج وشريت لوندو

[أم تيم الله]

اكيد لازم اختي وربي يسلكك على خير
و يتربى في عزكم ان شاء الله

[DOUDOU_25]

ih lazem doudoun bach tkharjih wla porte bébé

[@ابني حياتي@]

انا عندي 11 يوم ملي زيدت
لوندو ماديتوش معايا بصح كي زيدت جابهولي راجلي حطيت فيه ولدي في سبيطار

[kikimnarim2]

السلام عليكم جميعا
انا عندي شهر من لي ولدت كان الاول تاعي وولدت ولادة عادية
لما دخلت في الشهر التاسع شريت شمع spasmol نحط واحدة قبل النومكل يوم لتطرية عنق الرحم وتسهبل فتحه عند الولادة
وكذلك colpotrophine شمع توضع من الامام راهي ناقصة بزاف في الصيدليات وغالية ثاني بصح نافعة جدا
كثرت ثاني من المشي وصعود السلم وكذلك الحمام الساخن
الولادة صعيبة بزاف بزاف العياط ما فيه حتى فايدة لما يكون الوجع بزاف تنفسي نعمق ودزي لتحت باقصى قوة ينقص الوجع وتزربي تولدي اذا جاكي الوجع قاوي بدون توقف وجاتك الدزة ازربي لفوق الطابلة لانه وقت خروج الصغير
اللي تحب تعرف اكثر عن تجربتي انا في الخدمة
لا تنسي تغلي الرضاعات وتديهم معك الى المستشفى وكذلك الحليب ماشي اي امراة فيها الحليب انا ديت معايا حليبcoeliaوثاني les couches كبار لانو الفوطات الصحية ما يحكمو والو وربي يسهل لكل اخت مقبلة على الولادة

[jawada22]

اكيد اختي الوندو البرد عليه لازم تدفيه مليح الله يسهل ننصحك ما تصرخيش غي تعيي روحك دخلي النفس و خرجيها و كتري الدعاء و ربي يجيبلك ساعة ما تنسيش خيتاتك من الدعاء راهم بزاف في قسم نعمة الامومة يحوسو يحملو تفكرينا الله يحفضك و ينوضك بالسلامة ان شاء الله

[زوجة لزهر]

شكرا اختى و ربي يرزق كل محرومة .
على فكر انا رزقني الله بعد 07 سنوات

[melissa lola]

اختي انا نقولك ربي يسهل ولادتك وتفرحي بولادك

[انيسة21]

ربي يسهلك حتى انا راني خايفة لولادة رغم انها لولادة التانية تاعي بصح حاستها لولة سبحان الله نسيت كلش