أنا راح نكتبلك طريقتي وزيدي شوفي مع الشاطرات الاخريات
بالنسبة للعجينة:
150غ مارغارين
100غ سكر ناعم
1 صفار بيضة
ملعقة صغيرة خميرة حلويات
فاني + رصة ملح
فرينة حسب الحاجة حتى تتماسك العجينة يعني تقريبا 300غ
هاذو أجمعيهم وخلي العجينة ترتاح حطيها في الثلاجة تغطيها بكيس بلاستيكي
الكريمة:
كأس حليب بارد
صفار بيضة
2 ملاعق كبيرة سكر
فاني
3 ملاعق كبيرة نشا
في وعاء حطي صفار البيض+ السكر وخفقي + فاني+ النشا + نصف كمية نتاع الحليب كي والنصف الكمية الاخرى حطيها على النار يسخن شوي من بعد ضيفيلو الخليط هاذاك وخلطي متغفليش حتى يعقد و يرجع كريمة خليها جانبا ( تحبي تضيفيلها كريمة الشانتيي تجيك هايلة )
كريمة الشانتيي ( كأس حليب بارد + 6 ملاعق كبيرة من بودرة الشانتيي وأخفقي حتان تتطلع ) وخلطيها مع كريمة الباتيسيير بالراحة يجي مذاقها رووووووعة
الان شعلي الفرن 180°
طيبي العجينة أجبديها من الثلاجة أفرديها بالحلال بسمك 0,5سم أطبعيها وحطيها في المول الصغار لي راح ديري فيهم أعدلي العجينة فيهم وأثقبي بالشوكة في كل مول وحطيها طيب حتان تحمار شوي من تحت طفي عليها
كي تخرجيها خليها تبرد والكريمة تكون بردت حطي الكريمة في الكيس الحلواني وضعي كمية في القوالب العجينة وزينيها بالفواكه لي تحبي
انشاء الله نكون أفدتك