اى اختي fadilasor ارجوك عاونيني في هذا الكوفرولي ..... (تم الرد)

loulouat eddodja · 2016-03-25, 18:10

سلام
كيف حالك
اختي فضيلة انا حابة نخدم كوفرولي كيما هذا
https://www.djelfa.info/vb/showthread.php?t=1783981
راني كملت البياسات و بقالي غير تركابهم
حبيتك توريلي كيفاش درتي شحال نشري المستلزمات
مادابيك تحطيلي تصاور اذا تقدري ارجوك ضروري راني محتاجة وقفتك معايا
و ايضا بالنسبة للبياسات نلصقهم مع بعضاهم ثم نلصقهم ف الساتان و لا نلصق كل وحدة وحدها

fadilasor · 2016-03-26, 22:07

سلام اختي اليوم وين شفت موضوعك بالنسبة للكوفرولي راني دايرة ورشة في قسم اورشات الخياطة ضرك نحوسلك على الرابط اما بالنسبة للبياسات انا نلصق بالكروشي مباشرة اما الا كنتي تخدمي بالوحدة تقدري تخيطي ومن بعد تلصقي بشرط تكون كل بياسة فيها 12 قرن باش يلصقو كيف كيف

fadilasor · 2016-03-26, 22:15

للاسف الصور نتاع مركز الخليج ماخرجوليش لكن شوفي هدا الرابط عبارة عن صور راح تساعدك fadilasorاللي تحب تتعلم كيفاش تطرح كوفرولي وزيدي شوفي هدا https://www.djelfa.info/vb/showthread.php?t=1726135

fadilasor · 2016-03-26, 22:20

الا مافهمتيش اختي قوليلي وانا نشوف طريقة كيفاش نفهمك

loulouat eddodja · 2016-03-26, 23:01

في الحقيقة هاذو شفتهم و ما فهمتش مليح

loulouat eddodja · 2016-03-26, 23:09

انا نبدا نشري المستلزمات و كي نحصل في كاشما حاجة راني نلجأ اليك تعيشي اختي و نتي شوري عليا فانت محترفة تعيشي

loulouat eddodja · 2016-03-26, 23:11

مشكورة اختي ربي يحفظك

zikoziko1 · 2016-03-27, 07:15

علينا دائما مراقبة افكرانا لانها ستصبح أفعالا، و افعالنا ستصبح عاداتنا و عادتنا تصيح طباعنا و طبعنا ستحدد مصيرنا.

fadilasor · 2016-03-27, 19:48

طيب اختي انا ان شاء الله من غدوة نبدالك ورشة لاني راني نخيط في كوفرولي انتي اشري الحوايج وانا نصورلك الخطوات

loulouat eddodja · 2016-03-27, 22:05

مشكوووووووووووووووووووووووورة
المستلزمات نشري كيما الورشة تاع التطراح ولا نتاع الاورغانزا لخاطر انا حابة نديرو بالاورغانزا عاوديلي شحال نشري ساتان و اورغانزا
و شكرا جزيلا و جعلها الله في ميزان حسناتك
ربي يعطيك ما تتمناي و يفرج همك ويدخلك للجنة ان شاء الله على هذه المزيه لي رايحة ديريها فيا
شكراااااا

loulouat eddodja · 2016-03-27, 22:36

ارجوك حنونة صوريلي كلش بالتفصيل لاني جامي خيطت حاجة نتاع فراش
ماذابيك كل صغيرة و كبيرة
واحتسبي الاجر عند الله تعالى و روحي راكي حجيتي فيا و الله العظيم غير كنت حاصلة و خايفة مايجينيش شباب
انا البياسات درتهم كيما هاذي
www.djelfa.info/vb/showthread.php?t=1748626 على فكرة فيها 12 قرن
نتمنا انك تساعديني ايضا في طريقة تلصاقها و مشكورة و جزاك الله عني كل خير

fadilasor · 2016-03-28, 21:26

اقتباس:

المشاركة الأصلية كتبت بواسطة loulouat eddodja

مشكوووووووووووووووووووووووورة
المستلزمات نشري كيما الورشة تاع التطراح ولا نتاع الاورغانزا لخاطر انا حابة نديرو بالاورغانزا عاوديلي شحال نشري ساتان و اورغانزا
و شكرا جزيلا و جعلها الله في ميزان حسناتك
ربي يعطيك ما تتمناي و يفرج همك ويدخلك للجنة ان شاء الله على هذه المزيه لي رايحة ديريها فيا
شكراااااا

السلام عليكم ورحمة الله وبركاته اختي انا راني بديتلك الورشة وغدوة ان شاء الله نحطلك الخطوات كاملين اشري ثمانية امتار ساتان من الافضل ماروكان زوج ونصف متر لاوات ثلاثة امتار طافطا ولا لادوبلور انا الاورغونزا شريت هدي المرة خمسة عشر متر وانتي وش تحبي تخدمي انا نحبو مشارجي

fadilasor · 2016-03-28, 21:29

اقتباس:

المشاركة الأصلية كتبت بواسطة loulouat eddodja

ارجوك حنونة صوريلي كلش بالتفصيل لاني جامي خيطت حاجة نتاع فراش
ماذابيك كل صغيرة و كبيرة
واحتسبي الاجر عند الله تعالى و روحي راكي حجيتي فيا و الله العظيم غير كنت حاصلة و خايفة مايجينيش شباب
انا البياسات درتهم كيما هاذي
www.djelfa.info/vb/showthread.php?t=1748626 على فكرة فيها 12 قرن
نتمنا انك تساعديني ايضا في طريقة تلصاقها و مشكورة و جزاك الله عني كل خير

راني صورتلك كلش اختي ماتتقلقيش برك بالنسبة للتلصاق انا اختي تلصق بالكروشي البياسات مع بعض اما انتي الا خدمتي كل وحدة وحدها خيطي بالابرة وانا نوريك كيفاش تلصقي على القماش ان شاء الله وكلشي ساهل

حياة نور الدين · 2016-03-29, 00:15

بارك الله فيك فضيلة وان شاء الله يخرجلك هااايل الاخت لولاا

loulouat eddodja · 2016-03-29, 20:46

بارك الله فيك اختي على هذا المجهود المبذول
اكيد انا راح نشري كافة المستلزمات ونبدا معاك
ربي يحفظك اختي و يعطيك ما تتمناي