جيبولي بروووووووووووقة

سعيدة8888 · 2013-11-26, 15:30

يومين وانا ندور عليك
دوختيني ردي عليا ولا نجيك لوسارة اللهيسهل على رجليا
اعطيني وصفة الكرم المحشي و طبق الرولي كيفاه درتيه انا درتو بصح كي وليت نقطع فيه تفتت والصوص كدلك نتاعو
دزنسقسيك على كامومبار منين شريتيه من وسارة ولا مين وشحال السعرنتاعو
ردي يا بروووووووووووووووووووووووووووقة ماتهربيش

بريق الامل& · 2013-11-26, 15:34

هههههههههههههههههههههههههههههههههههههههههههههههههه ههههههههههههههههههههه

بريق الامل& · 2013-11-26, 15:36

ارواحي راني نستنى فيك يا عمري نروح نطيب القهوة وندير تارت الليمون تبرد هذيك هي نلقاك عند الباب والكرم كاين واللحم كاين ونطبقوه مع بعض ندخلك للكوزينة ونلبسك الطابلية ههههههههههههههههههههه

سعيدة8888 · 2013-11-26, 15:47

نجيب البزابز نتاوعي ولا نخليهم ؟؟؟؟؟؟؟

سعيدة8888 · 2013-11-26, 15:48

ربي ينورك حنونتي ويعمرلك دارك بالدرية الصالحة
دو نسقسيك على القمع لي عملو بيه المرقاز متوفر في الجلفة و وسارة ام لا ؟

سعيدة8888 · 2013-11-26, 15:49

شوية ونعاود نولي

بريق الامل& · 2013-11-26, 16:19

جيبي لبزاوز عندي لتساع حوش كبير ولا البرد نديرولهم طيور الجنة ونخلوهم المهم ما يديروش لقباحة ههههههههههه قربي اهلا وسهلا
شوفي هذاك القمع انا عندي من بكري جاني مع طابع الحج تعرفيه ههههههههههههههه
والرولي درتو بطريقة ام رامي من اسهل مايكون اقل من ساعة عشاك واجد
دوزني اللحم عادي هو صدر الدجاج المرحي
قصبر معدنوس قرفة فلفل احل كمون زيت ملح ثوم واقسمي بيناتهم حبة بيض واخبزي الدجاج اولا فوق ساشي او بابيي فيلم وحطي فوقها اللحم ورولي وغطيه بالساشي من فوق رولها درت وحدة وعقدتها منا ومنا كما الكاشير وزدت الزاوجة للاحتياط
وديري ماء يغلي ورميها وسطو اطيب نصف ساعة انا زدت شوية الوقت
خرجيه بشوية برك عندك تتحرقي وبعدي لبزاوز
واقليه في شوية زبدة وزيت
وحضري صوص انا درت كما تاع ام رامي حبيت نذوق البنة كفاش ممكن اديري صوص بيضة بالزيتون او فقاع او الاثنين معا ممكن مثوم بيض وهي دارت مغرف هريسة ومغرف طماطم مصبرة وكمون وملح ونص كاس ماء تعقد وقدميها معاه مممممممممممممممممممممم

سعيدة8888 · 2013-11-26, 16:27

ربي يحفظك و يعمر دارك
وشنهو طابع الحج؟
بزابزي عاقلين مع طيور الجنة

بريق الامل& · 2013-11-26, 16:34

طلعت نشوف باقي الاسئلة تقول راني في اختبار فكرتيني ههههههههههه
الكاموبار متوفر في جميع السيبارات ماركة بريزيدون هايلة وكاين ترافل بالميزان روعة
محشي الملفوف
تحبي تفوري اوراق الملفوف تحبي تخليهم شوية برك قيس ما يطرا ردي بالك يطول راه يولي يتقطعلك ويغبنك
و تصفيه ونحي الغصن الي في الوسط بالسكين وقصي مربعات نحبو رقيق كما ورق العنب سيقار
دوزني اللحم وقطعي فيه نص حبة طماطم منزوعة البذور
ما درتش البيض
ديري قصبر حشاوش وثوم وبصلة مرابية مقلية وروز زودي شوية على الدولمة شوية برك وفلفل حمر وشوية على راس المغرف طماطم مصبرة فلفل اسود قرفة مرحية وكمون تحبي شوية راس الحانوت عصير ليمون وزيت
وتوجدي مريقة رابي بصلة وثوم وطماطم الحبة شوية برك وفلفل احمر وفلفل حار وشوية هريسة وزيت قليهم ومرقي
وخليهم على النار
عمري السيقار تاعك وستفيه في قاع كوكوت مليح رصيه
مرقي بالمرقة الي راهي تغلي وغلقي الكوكوت وطيبي على نار هادئة تعقد مليح وقدميه
تحبي ترجعيه بشوية في بلا وديريه في الكوشة يزيد يعقد ورشي فرماج رابي
ليوم درت طريقة سارة بصح طيبت اللحم االمرحي كما البوراك وزيديلو بيض وروز طايب وفرماج اختياري
وطماطم مقطعة
واوراق الكرم طيبيهم مليح وفرشيهم في بيركس وحطي الحشو وغطي بالاوراق مرقي بمزيج زيت وماء وعريسة وطماطم مصبرة وكمون وملح ودخليه للفرن
وامواااااااح

بريق الامل& · 2013-11-26, 16:35

اقتباس:

المشاركة الأصلية كتبت بواسطة سعيدة8888

ربي يحفظك و يعمر دارك
وشنهو طابع الحج؟
بزابزي عاقلين مع طيور الجنة

البيستولي

بريق الامل& · 2013-11-26, 16:37

اقتباس:

المشاركة الأصلية كتبت بواسطة سعيدة8888

ربي ينورك حنونتي ويعمرلك دارك بالدرية الصالحة
دو نسقسيك على القمع لي عملو بيه المرقاز متوفر في الجلفة و وسارة ام لا ؟

الهم امين تكفيني دعوة زينة كما هذي

سعيدة8888 · 2013-11-26, 17:00

امووووووووووووووووووووووووواح