القنصلية ترفض ملفي بسبب طلاقي الأول

[يسمينة البجائية]

السلام عليكم
عندي مشكلة في شهادة الميلاد نتاعي . أنا مطلقة مع الزوج الأول في 2009 عقد زواج بغير دخول تم الحكم بالتراضي و الأن بعد سنوات انخطبت مع شاب من فرنسا و أخذنا موعد في القنصلية لاعطائهم الملف نتاع زواجنا في الجزائر . المم كي وصلنا شافو الأوراق اذا كان كلش complet . مع شهادة الطلاق .... الخ و كي طاحو على شهادت ميلادي شافو في الهامش بالفرنسية

marier avec .......
la date de .......
a.............
و في اليمين كتب
.......mariage n'on consommé dissous par le divorce suivant le jugement du tribunal de setif en date de
يعني فك الزواج بالطلاق قبل الدخول بمحكمة سطيف بتاريخ .....

المهم رفضو الملف نتاعنا و قالولي مازالك متزوجة و لازم تنحي تسجيل الزواج في الهامش شهادة الميلاد نتاعك و تخلي برك تسجيل الطلاق في الهامش .فهمتهم كلشي و عطيتلهم ورقة المحكمة و شهادة الطلاق و شهادة اشهار الطلاق ... ما حبوش يشوفو .
كي ولينا رحت للبلدية باش يفهموني هاذ المشكل . و قالولي حبوا برك يعقدوهالك و يديرو لك مشكل في القنصلية و ماكان أي مشكل في شهادة الميلاد راكي مطلقة و مسجل في شهادة نتاعك و مسجل في البلدية و تقدري تتزوجي بدون مشكل . طلبت من البلدية يمحو الزواج في الشهادة الميلاد و يخليو لي برك الطلاق في الهامش . رفضولي الطلب و قالو ممنوع منعا باتا ما كانش طلاق بدون زواج و لازم نسجلوهم للزوج . رحت شفت محامي قالي ممنوع تنحي الزواج فهميهم في القنصلية و طلبي حقوقك . و دورك نخاف نرجع للقنصلية و يرفضو للمرة الثانية و يغلقو الملف نتاعي نهائي يعني يبلوكاوني .

واش ندير راني حايرة و خايفة نتطلق للمرة الثانية . عاونوني ربي يجازيكم كل خير

[fany]

سلام عليكم
ديري كما قالتلك القنصلية فكي روحك