كسرة مقلية للقهوة

my lamis · 2011-11-25, 00:26

بسم الله الرحمن الرحيم
تقريبا كل ما نعجن كسرة ندير نقلي منها نشرب بيها القهوة تجي بنينة كيتتقلى حنا نسموها كسرة مقلية
كيخمرت الكسرة حكمت خبزة وقطعتها كاريات ثم في زيت سخون نقيس بالوحدة ونقيس عليها الزيت حتى تنتفخ و هكذا حتى كملت قاع الكمية يتكلو سخونين بالقهوة و إذا حبيتي ديريلها السكر حرش غير تنحيها مالمقلة أرميها فالسكر كوريها فيه و نحيها أنا نحبها سخونة و بلا سكر تبعو التصاور

نشالله تعجبكم

أمـــــــــــــــيرة · 2011-11-25, 05:41

سلاااااااااام

هااااااااااايل

my lamis · 2011-11-25, 09:05

و عليك السلام و صباحك سكر و العفو ختي أميرة و مشكورة على المرور

ايمااان · 2011-11-25, 09:29

يا حتسرااااااااااااااااه ماما تعرف ديرو و حنا من بكري نعرفوووه
عل العمووم شكرا

نينانينا · 2011-11-25, 09:55

شكرا بصحتكم
حنا هدا نعيطولو خفاف المطلوع

ام محمد78 · 2011-11-25, 10:08

مبدعة حقااا اختي
بارك الله فيك على المجهود في العمل وطرح الموضوع للافادة

my lamis · 2011-11-25, 10:21

مشكورة الأخت إيمان على المرور بصح و كان قلتيلي نتوما كيفاه تسموه كيما قالت الأخت نينا خفاف المطلوع و اللي نقوللها شكرا على مرورك لصفحتي و الأخت بوغزول مشكورة حنونة على المرور و نقولك أنا نحب نوري خدمتنا للجميع و نرفد خدمت الجميع

ام خديجة1 · 2011-11-25, 10:33

بارك الله فيك اختي لميس شهيتينا فيه

janino · 2011-11-25, 11:27

اول مرة نسمع بالكسرة المقلية واش تحطى فيها اختى بالظبط اعطينا المقادير و هل تتعجن بزاف دقبق ام فرينة مشكورة

ميرة31 · 2011-11-25, 17:19

mercie beaucoup.......................................... ..............................

الصوامعية · 2011-11-25, 17:27

شكرا أختي موالفين نديروها فكرتيني فيها صح جي هاااااااايلة تشبه للسفنج

هاجر09 · 2011-11-25, 17:34

السلام عليكم
بارك الله فيك اختي فكرتيني في صغري احنا نقولولو خبز الزيت صح بنيين و لكن معرفتش اعلاش مرناش انديرو؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

my lamis · 2011-11-26, 17:06

إسمحولي مرديتش عليكم و الله كان عندى واجب عائلي درتو مشكورة ختي أم خديجة وفيك بركة
و الأخت ميرة و الصوامعية مشكورات بزاف و الأخت هاجر صحيتي نقولك حنا مقطعناهش قاع دايما نديروها مالصغر حتى و رانا كبار
و الأخت janino مشكورة و هداك عجين عادي فرينة و ملح و خمارة تاع كسرة نلمهم منعجنش قاع ونخليها تخمر ثم نعاود نعجنها باش نطلقها بالماء و نخبزها و نخليها تزيد تخمر منبعد نقطعها ونقليها كيما شفتي

my lamis · 2011-11-26, 17:11

تفكرت كيلو فرينة تخرج 3 خبز كسرة و اللي ترققها تخرج 4 خبز تجي فيه 4 ملاعق خمارة الكسرة و الملح ختي إدا كانت الفرينة من النوع المليح متعجنيهاش قاع خلطيها و حطيها تخمر

بنت عين وسارة · 2011-11-26, 17:13

انا نموت عليها شكرا حبيبتى