محتاجة دعواتكم

[مشكلتي]

لسلام عليكم و رحمة الله تعالى و بركاته
محتاجة بزاااف دعواتكم و الله العظيم تعبت من حياتي منين ندرو مقفولة في وجهي القراية والو نقرا ونتعب في الاخير كامل ينجحو غير انا هاذي المرة السادسة تاع الباك كل مرة ما نديش الباك دارنا عايشة في جحيم بابا ميت خاوتي عايشة تقول كلب حاكميني خدامة تبانلهم راني عيشة مليح و انا غير ربي اللي يعلم حتى المصروف واحد ما يعطيني احوالي مزرية ما خلاونيش نخدم و زيد مشاكل مع مرتت خويا وحدة بهدلتني انا و يما و قالتلي كلام بقالي في قلبي و حبت تضربني قاسني بزااااااااااااااااااااااف اداها خويا لدارهم و درك راهي في شهر كرهتها عمري ما كرهت واحد في حياتي كيما كرهتها اسمها ما نحبش نسمعو و درك حاب يجيبها تروح هي ساكنة معايا مش عارفة كيفاش تدير القلقة قتلني كيفاش راح نزيد نشوف في وجهها الهم تلم عليا مكانش حاجة في حياتي تعطيني امل عمري ربعة و عشرين ما شفتش نهار مليح كرررررررهت رجت نتمنى الموت احيانا جيني في بالي فكرة نشرب كاش دواء يهنيني من هاذ المعيشة ما عندي حى امل و لا حاجة تخليني نحب هاذ الدنيا علابالي راني نهدر في كلام واحد جاهل ايماني قاوي الله غالب ضعف مش قادرة نتحمل تعبت بزاف نفسيا غير مخبية في قلبي نهار كامل بين ربع حيوط ما عندي حتى حق نخرج و نشوف وجه ربي زايدة على الميتين بالروح صحتي عيانة من القلقة حتى الزواج مش قابلين اي واحد يجي يخطبني يقولولو صغيرة ما يشاورونيش ادعيولي ربي يخليكم تعذبت فوق اللازم مش قادرة نصبر

[om lina]

[b][/b]اختي استعيذي بالله وتوكلي عليه حق توكلك ولجاي الى ربك وتضرعي اليه وخذيها نصيحة من عندي قومي كل يوم في الثلث الاخير من الليل ولو ركعتين وادعي لربك واكيد ربي ماراحش ايخيبك وكما قلتي اريد ان ارتاح من هذه الحياة مايدريك انك سوف ترتاحين فهناك عقاب وحساب واملئ وقت فراغك بقراءة القرءان وسوف ترين النتائج وادعو لك من كلي قلبي ان يفرج همك ويرزقك زوجا صالحا

[me.mohamed]

مشاكل عادية اي انسان في الدنيا عندو مشاكل وحلها الوحيد الصبر و الدعاء
اصبري و ادعي لربي و ان شاء الله يفرج عليك

[اريج06]

ربي يفرج عليك اختي وياربي تجيبي الباك وتفرحي وتفرحي يماك وتخدمي ومتحتاجيش لاي واحد
اصبري وادعي ربي وخلي ايمانك قوي والله هو اللي يعلم باحوالنا

[*بيتي مملكتي*]

عزيزتي نصيحتي لك أكثري الدعاء و الإستغفار أكثري الدعاء و الإستغفار أكثري الدعاء و الإستغفار
صدقيني لا يوجد أقرب من الله إليك فاجعلي الدعاء طريقك المختصرة إليه

ربي يفرج عليك و يهديك و يهدي كل من كان من حولك

[منهاج]

السلام عليكم

الله يفرج

[yousra14]

اوصيك بما اوصتك به الاخوات من قبلي بارك الله فيهن ثم اقول لك اهتمي بشؤونك وفقط لااااااا تهتمي لشؤون زوجة اخيك


تجاهليها اجلسي مع امك احلى واحن جليس في العالم حاولي كيف تلتحقين بمركز للتكوين المهني وتعلمي صنعة


وبعدها سياتيك كل خير واتركي عنك هلاوس الشيطان فهو عدو اقتربي اكثر من الله رب معاك السلام

[ريم الفلى]

ربي يفرج كربك اكثري من الدعاء ربي يا فالق الحب والنوى بلغ كل مرئ ما نوى يا رب يا مفرج الكروب ومزيل الهموم والظلوم ازل همي وفرج كربي عني

[نسمة تفاؤل]

ربي يكون معاك اختي كوني ذات ارادة واعلمي بأن هذا قضاء الله وقدره فتقبليه يبالي بلي الفراغ هو اللي راهو مكرهك نعطيك حل جربيه وتشوفي كيفاه تولي تحسي بوجودك حفظ القرءان تربحي دنيا واخرة وكثرة الاستغفار والدعاء ثم الدعاء لرب السماء وخاصة في الثلث الاخير من الليل وخليك من المسلسلات اتفرجي للقنوات الدينية ومرت خوك تجاهليها ونحي فكرة النتحار من بالك لان قاتل نفسه ماواه النار والعياذ بالله ثم احمدي ربي الي ماجيتيش عمياء ولا طرشاء الباك ماتقطعيش الامل عاودي وعاودي حتى تربحي وحاولي تدخلي للتكوين المهني وربي يرزقك راجل صالح ولكل البنات اميييييييييييييين

[jackin]

ربي يفرج عليك

[wafa16]

و الله غير قسمتيلي قلبي انشاء الله تجيبي الباك و تكملي قرايتك
ربي يفرج عليك

[4shabab]

ربي يفرج عليك ويكون في عونك
أكثري من الذكر والإستغفار.

[أمة الله 12]

ربي يفرج عليك اختي,
ماعليش اصبري و قولي الحمد لله على كلشي,
ان شاء الله يجي يوم و تتسقم احوالك

[rimiana]

ربي يفرج عليك و يفك كربك ويفرحك عاجلا غير اجل . اختي كوني قوية هاد ادنيا متستاهلش المهم تكون اخرتك طيبة. ان بعد العسر يسر اختي ربي يكون معاك و احمدي ربي على نعمة الام راهي كبييييييييرة شوفي اللي افتقدوها مساكين .ربي ينجحك و يخفف عليك

[bissan.sousou]

ربي يفرج عليك اختي ويرزقك الزوج الصالح