غراتان الشوفلور مع صوص الدجاج

imanaz · 2015-01-29, 09:56

السلام عليكم و رحمة الله

اليوم مع وصفة لذيذة تاع الشوفلور خاصة للناس اللي ما يحبوهش

نبداو على بركة الله

1- بالنسبة للصو ص تاع الدجاج: نصف صدر دجاج مع الزيت يتقلى بنار قوية حتى يتحمر نزيدولوا بصلة مرابية + 03سنينات ثوم + حبة طماطم مقطعة على 2 + زعيترة + ملح + فلفل اسود + سكنجبير نقليو الكل اومبعد نضيفو شويا ماء باش اطيب

كي يطيب الدجاج نحيوه و نفتتوه(ماشي صغير بزاف) و نرجعوه لصوص نتاعنا و نسقيو بيها الغاتان

2- بانسبة للغراتان نفوروا الشوفلور مع مكعبات تاع البطاطا +ملح ( اللي يحب البطاطا تكون اكثر ماشي مشكل).

3 - نوجدوا صوص بيشاميل : نذوبو ملعقة كبيرة تاع المارغارين ثم ننزعها من النار و نزيدلها ملعقة و نصف فرينة نخلطها + كأس حليب بارد نرجعها فوق النار و نحركها حتى تثقال + ملح + فلفل اسود ( الا كانت ثقيلة بزاف نضيفلها الحليب).

نخلطواالشوفلور +البطاطا الي فاروامع الصوص بيشاميل و ندخلوهم للفرن باش يتحمروا
بالنسبة للتقديم نعمروا الغراتان و نسقيو بالصوص تاع الدجاج
نتمنى تنال اعجابكم و توجدوها و تدعبولي ان شاء الله

معذرة مرة اخى على الصور مازال ما فريتهاش مع الكابل هههههههههه.:mh3

ام رشدى · 2015-01-29, 10:11

اختي الدجاج والبطاطا والشوفلور نخلطوهم مع لاصوص بيشامال ونحطوهم في الفور وكي يتحمرو نسقوهم بلاصوص خاثرة ياخي هكدا والشوفلور نخليه وردات ولا نمعسو فهميني باه نجرب طريقتك الللللف شكر وانشاء الله تفريها مع الكابل

imanaz · 2015-01-29, 10:23

اقتباس:

المشاركة الأصلية كتبت بواسطة ام رشدى

اختي الدجاج والبطاطا والشوفلور نخلطوهم مع لاصوص بيشامال ونحطوهم في الفور وكي يتحمرو نسقوهم بلاصوص خاثرة ياخي هكدا والشوفلور نخليه وردات ولا نمعسو فهميني باه نجرب طريقتك الللللف شكر وانشاء الله تفريها مع الكابل

شكرا
لا أختي خلطي غير الشوفلور + البطاطا مع الصوص بيشاميل
الدجاج خليه فلا صوص تاعو و سقي بيه
بالنسبة للشوفلور راح يترحا واحدواكي تخلطيه مع لا صوص بيشاميل