اكاد انفجر

[مشكلتي]

السلام عليكم
انا طالبة في الثانوية محجبة والحمد الله لكن مشكلتي نقدر نقول ماشي مشكلة وإنما مشاكل والله راني معمرة ملقيت كيفاش يعني كيما دير تحير
انا نهار لي درت الحجاب وقررت عائلتي نورمال وافقو لكن الآن صاروا معارضين خاصة في الشتاء تمرميد ديال الحجاب والشتاءوووو لكن انا عارضتهم وقتلهم محال نتخلى عليه والحمد الله مازلت محافظة عارضوووني بزاف ناس سيفتو هو بابا مام في الدار يعني ديما نتعرض هدرة بزافا عليه لكن هدرتهم داخلة خارجة منوافقهمش يقلولي مزالكي صغيرة عيشي حياتك نقلهم نعيش حياتي وربي راضي عليا نعيش حياتي في طاعة ربي رجعو سماوني المعقدة لي ميفوتش نهار وميقلوهاليش ولي راكي تفتي واي لبهلولة .... ....
وتاني كوني بلاك نية بزاف بلاك ثقة مكانش رآهم يستغلونني بزفاف ناس بزاف صحباتي يعني نهدر معاهم نورمال مي أي حاجة نقلهم عليها يعاود يجبدوهالي اه ماشي قلتي كدا. .. وكدا بنات كنت دايرتهم ما شاء الله رجعو وحدوخرين وش نظن منافقين نشوف بعضهم كيفاش يتعاملو معايا ومع بنات وحدوخرين اه اختلاف كبيير مين داك صح نحس رووحي بهلولة تع الصح يقلولولي كلام نسكت يستفزوني تاني مام لي بروف ميقيمونيش تاني ولا كي نسال يتعاملو غير مع لقااريين يعني تعاملهم غير معاهم يقولولي تلعبيها نية في الهبال يعني مين داك يقلولولي نلعبها نستغبى مثلا انا علابالي بديك الحاجة ندير روحي معلاباليش .. لكن انا جامي لنخمم ندير كيما هكدا حتى لبنات ولاو يحرجوني وهي قدام الاساتذة
تاني نهار كامل وهو ما يعسو فيا اي حاجة نديرها على أتفه الأمور يقلولولي عليها اه
تاني غير يا لقراية يا لقراية يا الشابة يا ديك ديك مع اني مريت وكنت منيش مليحة بظروف لكن الحمد الله جازت على خير مي مزاالو يعني نفس السيناريو يدور والله ملقيت ما نقول
مام كي نقول لعايلتي يقولولي أنت بهلولة ونية ولا حساسة بزااف مي خلاص أكاد انفجر ماشي لهد الدرجة مام في قرايتي هبطت بزااف والله وراني في تدهور راني خايفة بزااف كرهتها لدرجة جامي لصرالي هكدا نكره نحكم كراس كو نصيب منشوفوش مع اني عندي أهداف أحلام اني حابة نحققها علابالي لازم نتعب ومكانش حاجة تجي بالساهل لكن ليس بيدي حيلة معرفتش كيفاش ندير ؟!
مين داك نولي نبكي نقول لماما علاه كاين الحسد البغض الكره لغيرة الهدرة الزايدة لهد الدرجة علاه الناس تتبدل مع انو الدنيا فانية زعما لي يدير هكدا و واش راهي الفائدة من هد الشي و واش يدي؟؟ يقلك إرضاء الناس غاية لا تدرك مي ماشي هكدا بزااااف
كل يوم راني ننصدم من تصرفاتهم حتى اخوتي رجعو يقولولي هكدا كلام معقدة ...الخ
بزااف حوائج راهم يصراو نقول بلاك كنت منيش مليحة وش بيا !!
خاوتي راني مبحرة هاملة ملقيت كيفاش ندير كيفاش نتصرف مع هد الناس ...قرايتي كيفاش كلشي
نحتاج نصائحكم متبخلوش عليا

[المهاجرة لربها]

السلام عليكم و رحمة الله

واصلي اختي بتمسكك بالحجاب و كوني متيقنة انه لا طاعة لمخلوق في معصية الخالق حتى لو كانوا والديك الاهم ان ترضي ربك قبل ان ترضي والديك فما بالك بالناس

لا تهتمي ابدا لما يفعلونه و ما يقولونه مادمت واثقة انك في الطريق الصحيح و حجابك هو سر حياءك و تعلقك بالاسلام لا تكن تلك الهواجس بكلامهم ان تعيشي حياتك دافعا بل بالعكس ربما تجدين السعادة و البهجة بالحجاب اكثر من ادعاءهم ان تعيشي حياة دون حجاب و دون تستر لا حول و لا قوة الا بالله العلي العظيم
اعجبني فيك انك لن و لم تتراجعي عن فكرة الحجاب واصلي حياتك وانت غير معقدة تماما بالعكس انت في رؤية واضحة فمن كان معقدا هو من يلزمك ان تتركي الحجاب فعقدتهم تلك من الاسلام و من الحجاب و من الحياة جعلتهم يحثونك على نزعه تقدمي الى الامام و كوني واثقة اكثر من نفسك و ثقي بالله انه لن يخيبك مادمت قد اخترت الامر الصواب بالنسبة لزميلاتك لا تعيريهن اية اهتمامات تجاهليهن قدر المستطاع و ان كان بامكانك ان تكون رؤيتك لهن شفافة اي انهن بحضورك غير موجودات فلا تقصري
احجبي عنهن الرؤية و تعاملي فقط حسب ما يمليه عليك الدين الاسلامي القي عليهن السلام و لا كلمة زيادة فقط ركزي في دراستك و كوني محافظة على نجاحك و تقدمك
فكل تلك الشعور التي الان انت بصددها لن تزيد من نجاحك و تقدمك الى الامام فقط ستسقطين الى الاسفل لا تتركي زميلاتك يؤثرن عليك و هن سببا في احباطك بالعكس شمري عن ساعديك و ادرسي و اثبتي لهن ان تقدمك سيكون هدفك و انك قوية و قادرة على تحقيق الافضل لذا ان فشلت سيزددن فرحا و ان نجحت سيندمن على فعلاتهن

لذا اثبتي وجودك برهني انك لديك ارادة يا اختي انت الان في مرحلة حساسة لكن مع الايام صدقيني ستتعلمين دروسا كثيرة مقارنة مع الدروس القادمة هذه المشاكل ستعتبرينها جد ضئيلة لذا اعبري هذه المرحلة بنجاح و تفوق و اجتازيها بسرعة فقط لتثبتي لمن كان يستهين بك انك ناضجة وواعية و متمسكة باخلاقك و بحجابك و لا تجعلي الكلام يؤثر عليك حتى يقودك الى ما يحمد عقباه و يزعزع ثقتك بنفسك و يؤدي بك الى الفشل

لذا اعيد كلامي اسرعي و لملمي جروحك و انفضي الغبار من افكارك و استعدي للمواجهة مواجهة الناس بنجاحك و مواجهة الحياة بارادتك و مواجهة اعداء الله بتمسكك بالحجاب ادعو لك من كل قلبي ان يوفقك الله و يسعدك و يوفقك لما يحبه و يرضاه و لما فيه خير و صلاح اللهم امين

[ايملي فتاة الريح]

السلام عليكم ...راكي ما شاء الله تمسكي بحجابك الناس يجيها وقت ومن بعد تعيا وتسكت
ومتخليش أشخاص كما هم يشوفوك تخسري ...جددي ارادتك وكوني صادقة مع الله كل شيئ باذن الله سيفرج عليك
حققي أهدافك واحلا مك ولا تتخلي عنها ابدا

[softech]

شوفي يا بنتي لي يقولك على الحجاب و الا لاه ما ديريش علاقات مع الشباب و غيرها من الافعال التي تغضب رب العالمين
اسالي تلك التي تلبس فيزو صابلي او مقطع وين شافت هذا اللباس؟
رايحة جاوبك بانها شافت المغنية او الممثلة فلانة الكافرة تلبسه بطبيعة الحال
ببساطة جاوبيها انا حبيت نقلد عائشة و حفصة و صحابيات مسلمات
لانني اريد ان اكون مثلهن في الدنيا و معهن في الاخرة ان شاء الله اي في الجنة
و اما هي فستكون مثل تلك الممثلة في فسقها و تكون معها في الاخرة في جهنم ان لم تتب الى الله.

اعلمي يا ابنتي ان الحجاب الشرعي هو قمة التقدم الحضاري و الاخلاقي لانه يجعل من المرأة تلك الشخص المحترم المهاب
و ليس مثل اولئك اللاتي يعرضن زينتهن مجانا و فوق ذلك يكسبن اثقالا من السيئات.

صبرا عليهم و سوف يعوضك الله خيرا كثيرا.

[123boutheina]

السلام عليكم ...

فيما يخصُ الحِجاب
انتِ بحاجه للدعم , واهلكِ بحاجه للتَطمِين ... , والاولى تُنال بالثانيه ..

استغلي حرصهم عليكِ وخوفهم , مثل " يا امي يا حبيبتي , الحجاب درء لي ولكِ ولوالدي من الدنيا ,, يا امي احرصي علي , يا ابي احتاجكِ ,.. . يا اختي ادعميني "


تعرفي احيانا الاهل وحسب الي دارج من تشدد وانغلاق في الدين ,, يرون ان التساهل وترك اللازم اهون ,, ولو ان لِكل نظرته - الله يهدينا اجمعين - ..
لذا المطلوب منك الرفق واللين ,, , ويمكن على سعه رسالتك كُل العائله يُيَسر لها الحجاب الشرعي ...

ربي يوفقك

[22bilal bilal]

الله المستعان اصبحت الحجاب يدل على التعقيد .
لاحول ولا قوة الا بالله .
رددي هذا الدعاء
ياحي ياقيوم برحمتك استغيث.

[عاصمة الضباب]

السلام عليكم،ونلوم الدول الاوروبية على منعها الحجاب والجلباب في الأماكن العمومية ونحن لا في دولة مسلمة وهناك من يفكر بهذه العقلية ، ضعي دائما نصب عينيك أنه لا طاعة لمخلوق في معصية الخالق ، لي ابنة أخ في الأولى ثانوي كانت ترتدي السروال مع الخمار في الطور الاكمالي ،فبدأت شيئا فشيئا أحاول اقناعها بلبس الحجاب وفعلا عند الدخول المدرسي طلبت ذلك ولحد الساعة عندما أراها ذاهبة للمدرسة والجو مطر أو الرياح قوية أرغب في ضمها وتقبيلها لأني أراها كالملكة وسط زميلاتها فهي كذلك كانت تسمع كلاما عن الحجاب والتمرميد في الشتاء اما عن الجزء الثاني من مشكلتك فاظن أنك مقبلة على مراحل صعبة في الحياة وأفكار مشوشة استعيني بالله وحاولي أن تتعرفي على نفسك من الداخل أكثر فتزداد تقتك في نفسك وعندها فقط يصبح كلام الآخرين بدون أي تأثير وتكون لديك حجة.....بالتوفيق عزيزتي.

[insfp]

والله يا ختي سمحيلي من كي سمعت حكايتك فهمت الأن لماذا نجد فتيات متبرجات في الشارع