صباح الفل على أحلى عضوات في أحلى منتدى ماما وأختي العروسة غايبين ، بقيت غير أنا و 2 أخواتي ، قلت نجرب بطاطا purée نتاع أم رامي ، حمرت قطع دجاج في شوية زبدة و لما تحمرو مليح أضفت الملح و حمرت فصوص ثوم ( الفص مقسوم على 2 ) و أضفت 2 كيسان ماء و شوية فلفل أسود و غلقت الكوكوط على نار هادئة 15د و انتهى . كنت غليت البطاطا بدون ملح وصفيتها من الماء، راني نكرر بدون ملح ، ثم حطيتها في الروبو مع بيضة و اخلطتهم و هو يخلط أضفت فنجان زيت على شكل خيط رفيع انتفخت كأنها مايونيز ثم أضفت ملعقة خل و الفرماج و الملح وانتهى روووعة . النتيجة بنيييينة و ملساء و قوامها ثقيل مثل المايونيز روووعة ، أنا اعتمدت الوصفة وأنتم أيضا لازم جربوها ، أنا مانحبش la purée ، والله لحستها من الروبو ما صبرتش راني حطيتلكم صحن باش ذوقوه و زينت بفصوص الثوم كي تحمرو جاو مممم، خاصة أم ماجد ، حقها محفوظ شكرا جزيلا أم رامي ، دائما متألقة ، كل يوم نتعلمو من عندك جديد ، ألف قبلة وهذا رابط الوصفة: https://www.djelfa.info/vb/showthread.php?t=886356