كل هذا الشيء على الملوخية
المهم الموضوع مزية قاعدة مولاتو ترد فيه لاصلو والا راه رجع حلبة صراع جهوي
شوفي اختي انا امهم ربي يحفظك
كيما قلتي الملوخية الزينة هي الي تتغرس وتتخدم باليد احسن وحنا في الجزائر تجينا عادة من الصحراء الشرقية خصوصا بسكرة والواد
انا من خنشلة ونعرفها مليح من زمان وشفتها تتباع في خنشلة و تبسة وسطيف وعنابة وسوق اهراس وباتنة وقسنطينة وواد سوف وووووووو
تقريبا الشرق كامل تتباع فيه خاصة الذواقة تاع تونس لانو حنا المحصول تاع الصحراء الجزائرية تقريبا يباع غير ثم محلي فقط او يتمد هدايا للحباب
وكل واحد وطريقتو في طبخها كاين بنات من واد سوف يطبخوها في الجامعة على نار الريزيستونس وما نحكيلكش على بنتها روعة وكاين بنت من بير العاتر الي هي تبسة تغلق عليها الكوكوت وكذلك تجيها روعة في المذاق وصديقتي باتنية تطيبها مثلنا نحن الخناشلة
تقريبا
ولكن فعلا في الغرب الجزائري ما يعرفوهاش واذا تحبيها لازمك توصي السطايفية او الجواجلة يجيبوهالك من الشرق خصوصا تاع تونس الذواقة وانا هكذا نعمل لما ننسى ما نجيبهاش معايا نوصي فقط تجيني
امر اخر الملوخية كاين الي يحبها موت او يكرها موت يعني ماكانش حل وسط واحد مثلا يحبها شوي او يكرها شوي
حنا في الدار البنات نموتو عليها والاولاد يكرهوها وعند زوجي انا وولادي نحبوها وهو يقولي ما تحطيهاش قدامي
طريقتك رايعة في الطياب من النتيجة وانا تعلمت منك فكرة الرند لاني ما نستعملوش راح نجربو ان شاء الله