هي كل دار وكيفاش يطيبو...نقلك احنا واش نديرو
الشربة فريك...نديرو الثوم وراس الحانوت فقط ما نديروش البصل
المرقة بيضة كيما الجواز.. اللوبيا ماشطو..نديرو البصل وفلفل اكحل وقرفة .وانا نزيد زنجبيل وعود اصفر
مرق الطعام..البصل مانديروش الثوم وراس الحانوت
العدس..البصل والثوم .فلفل اكحل وراس الحانوت
اللوبيا..الثوم وكمون وفلفل اكحل وراس الحانوت
الدوارة والبوزلوف لازم الكمون
الكبدة مشرملة لازم الكروية
الحشاوش او الكسبر مع المرق الاحمر
المعدنوس مع المرقة البيضة ولكن نضيفو في الاخير...نتمنى نكون افدتك