[ام ظافر]

الله يجازيك على تعابك ويعطيك على قد نيتك والله ملفك يستحق التثبيت
راكي ما خليتينا والو نحطوه خدمتي كلش من احسن ما يكون
اليوم نقولكم على اكلة ذقتها في بسكرة وهي من الاطباق الذيذة التقليدية يقولولها الركاش
توجدي الحميس مثل العادة فلفل مشوي حلو وحار وثوم وزيت الزيتون وطماطم تكثري شوي وتوابل وتزيديلو كاس ماء كبير يعني تخدمي مثل المرقة
ومن جهة اخرى تكوني وجدتي رخسيس (دقيق وزيت وملح وماء ) وطيبتيه ورحيتيه خشين وفورتيه تفويرة مليحة
تاخذي هذاك الرخسيس المفور وتجمريه في الحميس على نار هادئة واذا حتجتي تضيفي زيت الزيتون ضيفيه.
حطيه في صحن التقديم وديري عليه دوائر تاع البصل اذا حبيتي يمكن الاستغناء عليها وتؤكل سخونة ثم ثم .
انا عن نفسي نصنعو ديما كي يبقالي الرخسيس نجمعو ونطحنو ونخبيه حتى نصنه الحميس بزاف .
ودخلت عليها هذه الاكلة القديمة بعض التجديدات مثل تضيفيلها بقايا صدر الدجاج مفتت وتكون كاملة ولذيذة وبالصحة والهناء