اقتباس:
المشاركة الأصلية كتبت بواسطة بسمة الرحمان
الزرير نتاع بسكرة السكرة
اليو اخواتى الكريمات راح نفدملكم الزرير لندروه للمراة بعد الولادة وهو مفيد جدا لصحتها لخاطر فيه مكسرات واعشاب تساعد المراة على الشفاء بسرعة وتانى نقدموه للضياف لجييو يباركو . ممكن بعض الولايات من الجزائر الحبيبة يعرفوه ولكن يختلف من ولاية لاخرى .
المقادير:
قمح 3كيلو
حمص 6كيلو
لبلابى 2كيلو
كاوكاو2كيلو
زعتر 005غ
قنطس05غ
رند05غ
فلفل اسود05غ
قرنفل05غ -قرفة 25غ
مقل السيف 250غ
الطريقة:
نحمصو القمح فى الطاجين حتى يكون لون ذهبى والحمص نحطوه فى الماء ليلة كلملة وبعدها ينشف شوية ونعاودو نحمصوه فى الطاجين الى اللون الذهبى بعدها نقييو الاعشاب الى ذكرناهم مليح ونخلطو كل المقاديرمع بعض ونبعثوهم يترحاو - وأنا آسفة لم تتوفر لدي الصورة.
اما بالنسبة للتقديم : نسخنو شوية عسل مع شوية سمن ومايكونش سخون بزاف ونخلطوه مع المقادير لرحيناهم ويكون ماهوش جارى بزاف ونزينوه بالزقوقو والكاوكاو وبالصحة والهنا. |
حنا نسموها طمينة تاع القمح
و مناطق الشرق يسموها لبسيسة
شحال تجي بنينة فكرتينا فيها
صح فطوركم