[كريمة كوكة]

مرحبا أختي درك نعطيلك طريقة إعداد البان دي بيس جد مضمونة و مجربة أخذتها من قناة الطبخ الفرنسية +cusine أنا نعمل كل ماأشتهيتو راائع جربيه وردي لي خبر:
المقادير:
-130غ حليب
- حبة 1 هيل
- 100 غ زبدة + شوية للمول
- 100غ عسل
-02 حبات بيض
- 20 غ معجون البرتقال (ملعقة كبيرة)
- مبشور ليمونة و برتقالة
-100غ فرينة
- باكي خمارة - ملعقة شاي بيكاربونات
-60غ فرينة كاملة(فرينة القمح) إذا ما عندطش استعملي سميد متوسط كيما اعملت أنا
- 1غ زنجبيل مطحون
- 2غ قرفة مطحونة
- 2غ عرق السوس مطحون ( هذا هو اللي يعطي الذوق المميز للوصفة)
طريقة التحضير:
- سخني الحليب و حطي فيه حبة الهيل المكسرة باش تخرج الطعم.
- في كسونة أخرى ذوبي الزبدة و العسل + السكر انزعيها من النار + البيض و خلطي مليح.
- في صحن آخر خلطي كل المواد الجافة الفرينة و التوابل ث+ مبشور اليمون و البرتقال + مجون البرتقال ثم أضيفي إليه خليط البيض و السكر و العسل و الزبدة + الحليب بعد ما تنزعي حبة الهيل فرغي الخليط في قالب الكيك او اي قالب آخر أدخليه إلى فرن مسخن من قبل في درجة حرارة 170° حوالي 40 - 45 دقيقة
بالصحة و الهناء.