السلام عليكم لبنات اسفة على الغياب صح رمضانكم وكل عام وانتكم بالف خير رمضان مقبول ودنب مغفور بادن الله اليوم نحطلكم وصفات السيدة يعلى شربة فريك بوراك بالمرقاز كباب لديد وبطريقة جديدة عصير الفواكه بالياغورت الشربة فريك 300غ لحم غنمي نتاع ليكوتلات-2حبات بصل-2حبات جزر-1قرعة صغيرة-2حبات طماطم طايبة-ملعقة صغيرة ملح-ملعقة صغير سكنجبير-ملعقة صغيرة كروية-كاس اتاي زيت-ربطة كاملة بين الكسبر والمعدنوس مربوطة على شكل حزمة نضع جميع المقادير تتحمص ثم نمرقو بالماء الساخن بعدها نضيف الطماطم المصبرة ملعقة كبيرة وكمشة حمص نضعها تطيب في الاخير ننزع الالربطة نتاع الكسبر والمعدنوس وننزيد ننزع اللحم والحميصة نرحي الكل في الميكسور او في الروبو نتاع العصير بعدها نعيده الى القدر ونعيد معه الحمص واللحم ونزيدو نمرقو بالمرقة سخونة وعند الغليان نضع الشربة فريك الكيلة فنجال اتاي وخليه على نار مهيلة حتى يطيب طفي عليه وشهية طيبة