بسم الله الرحمان الرحيم اسعد الله مساءكم اليوم درت قاطو يليق مع القهوة و حتى مع قازوز قاطو بالمربى المشمش لونته بالاحمر مع شافوه عندبالهم بيتزا هههه 6 حبات بيض كاس زيت اقل من كاس سكر و انت و دوقك 2 خمارة نوارة قشور القارس و البرتقال خلطي البيض مع السكر مليح و ضيقي قشور البرتقال و القارس للنكهة روعة تم الزيت و في الاخير الفرينة مع الخمارة و قرصة ملح العجينة ما تكونش يابسة نقسي كمية شيحيها شوية و خليها باه تكرفجيها من فوق ادهني سينية نتاعك اطرحي الخليط سويه و ديري طبقة من المربى فوقها انت استعملت تاع المشمش تم كرفجي العجينة المتبقة الكروكي 6 حبات بيض تنحي 1 صفار تضيفيلو شوية حليب و تخليه باش تدهني الكروكي كاس زيت كاس سكر لافاني و خمارة نوارة قرصة ملح فنجان حليب دربي البيض مع السكر ضيفي الزيت و خلطي من بعد الحليب تم المواد الجافة فرينة لافاني الخمارة و قرصة ملح العجينة ماتكون يابسة ماتكون طرية اقسمي 4 كرات و اعمليهم حرابيش و حطيهم في سينية مدهونة بالزيت و ادهنيهم بصفار البيض تم ديري خطوط بالفرشيطة و زينيهم بالسكر او الجلجلانيو ديريهم يطيبو في فرن 180 درجة لما يحما شوية خرجيهم قطعيهم شكل كروكي و رجعيهم يطيبو من بعد اشعلي من فوق باه يحمار الوجه و يصحتكم في امان الله