[x ام رحاب x]

جبتلكم حلوة جميلة واقتصادية اليكم المقادير
المقادير
4مغارف كبار مرقرين _ 3حبات بيض_6مغارف كبار عسل_مغرفة صغيرة معمرة خمارة تاع الحلوة_كاس حليب_وكاس سكر_3حبات قارص مسكرفجين ومعصورين_فاني_ باطة شيكولا وفرينة ومايزينة نسيت ماحطيتهاش مع المقادير وحبة بتيس ويس صغيرة الي انديروها في الشيكولا مع الاخير

طريقة التحضير[/U]
انحط طنيجرة فيها الماء يغلي وانحط طبسي كبير فوق الطنيجرة يعني فوق حمام مرير انحط فية الزبدة والعسل والسكر والحليب وقشور حبة قارص و2 حبات قارص مانستعملهمش في العجينة نخليهم مع الاخير انخلطهم حتان يدوبو وانحيهم من الفوق النار وانضيفلهم 2حبات بيض ومغرفة صغيرة خمارة تاع الحلوة وانشفها بالفرينة حتان تجمليها او ماتكونش يابسة او ماتخليهاش جارية واقسميها على 4 خبزات
كي تكملي جيبي سنيوة تروح للفرن تكون كبيرة تقلبيها على قفاها وتدهنيها بالزيت وتفتحي لعجينة فوق السنيوة وترقيها ودخليها للفرن وتكملي بنفس الطريقة 3 الي قعدو كي تكملي الطياب انروحو




الكريمة _انحط الحليب اكثر شوية من نص ليترا 2حبات قارص معصورين ومسكرفجين _و4 مغارف كبار سكر و3مغارف كبار مايزينة_ ومغرفة كبيرة كاكاو وصفاربيضة وفاني


طريقة التحضير
انحط كلش في كاسرونة وانخلط بارد في بارد مع التحريك المستمر وكي نشوفوها بدات تغلي انقص النار وانخلط شوية وانحيها هي في روحها تعقد وحدها وانضيفلها مغرفة صغيرة زبدة باش ماديرش الطبقة من الفوق
امبعد انحكم الطبقة الاولى انحط فيها الكريمة وانحط فوقها الطبقة الثانية وانحط الكريمة وانحط الطبقة الثالثة وانحط الكريمة والطبقة الرابعة انحط باطة شيكولا مع باطة بتي سيويس وانخلطهم مع مغرفة كبيرة حليب وانحطهم مع الخير وانرش عليهم نود كوكو والي عندها تزين وخدوخر ربي يبارك والتقطع هاذي الحلوة 37 حبة انوصيكم لازم هاد الحلوة ماتتقطعش تمتم لازم تخلوها وقت باه تقطعوها الانها تكون لعجينة يابسة وتطريها غير الكريمة راني وصيتكم بلاك تقطعوها تمتم






اذا عجبتكم لا تبخلو عليا بالرد او الظغط على ايقونة الشكر