اقتباس:
المشاركة الأصلية كتبت بواسطة zokhrofa
اهلا أختي شكرا على الموضوع
انا نحب بزااااااااااااااااااااااااااف التقاليد تقدري تقولي مهووسة التقاليد
في رأيي تزول بسبب التربية السيئة
عندما تكون العائلة من النوع لي تحشم بالأصل تاعها كأنها تخاف يضحكو عليها كي تقول أنا من منطقة ما مثلا
طبعا لسبب بسيط خاطش صح كاين ناس يقدرو ما يهدروش معاك لمجرد تقوليلهم أنا من المنطقة الفلانية
نوع من الطبقية مثلا
في الحقيقة كاين أمر ثاني
كاين لي يقولك أنتي اصلك منين كي تجاوبيه يقولك لالا قوليلي جد جد جدك منين هههههههههه
يا أخي راني نقولك أنا زايدة و متربية في المنطقة الفلانية يعني كي نقولك جد جدي منين فيما يهمك
ينساو أنو الوطن هو الصح ماشي مكان مولد الجد
طبعا أنا لا أتكلم عن السلالة راني نهدر على لي يكونو يهدرو على التقاليد و يقولولك علاش ما تعرفيش تقاليد منطقة أصلك الحقيقي
رغم أنك ربما تكوني تسمعي بأسمها و ولا مرة شفتيها
المهم لا أطيل الكلام
أنا في منطقة الوسط شفت أنو مثلا الروب رجعو يقولولو الدبس و لكن هو شي كان كاين زمان مثل روب التمر و روب الرمان و العنب
عادو يقولو دبس الرمان و دبس التمر و يحسابلهم يجي من سوريا او من الشرق الأوسط
مثلا الخليع و القديد نسااااااااااوه بزاف ناس حتى عادو يخلطو بين الخليع و القديد و يحسابلهم حاجة وحدة
القديد هو اللحم لي ينشف بالملح
و الخليع هو اللحم لي يطيب في الشحم او الزيت يحتفظ بيه في دهن تاعو و يستعملو الدهن تاعو فالطياب
و القديد يستعملو قطعة صغيرة منو في مرقة الطعام مثلا
اذا تفكرت حاجة و ما نسيتش مشاركتي في هذا الموضوع نولي نزيد ههههه خاطش مرات ننسى اعذروني مسبقا
|
وانا مثلك تماما اختي نحب العادات والتقاليد لانها اصل الهوية الوطنية
بالعكس انا اعتبر من يتنكر لاصله انسان معقد تماما
يعني صراحة انا لا افهم عقلية هؤلاء الناس فكلنا من تراب واحد
حتى الكلمات والمصطلحات تبدلت للاسف
انا لا حظت بعض الناس عندما يتنقلون الى العاصمة يقومون بتغيير لهجتهم اقتداءا باهل العاصمة؟؟؟؟؟؟؟
حتى في اعراسنا ولينا نقلدو السوريين واللبنانين بداعي التطور والحضارة
مشكورة الاخت على التفاعل الطيب