السلام عليكم ..
صحا عيدكم و تقبل الله منا و منكم ...
أعتقد ان القضية نفسية فقط ... ميشي راكي مهبولة أو شيء من هذا القبيل لكن انت بينك و بين نفسك راكي تحاسبي روحك بزاااف و تتقارني روحك بزمن ماضي ..
المقارنة غالبا ما يكون الهدف الجيد منها هو التعلم و التطور .. مي نتي راكي حايرة كيفاه كنتي و كيفاه وليتي ..
تقارني كل يوم روحك القديمة الراااائعة و تاع درك المعمرة بالهراء و الفشل وووو
لذا اولا ... كوني رحيمة مع نفسك ...
ثانيا كاين حاجة ديريها في بالك ...
الارض أرض الله و حنا البشر بجسمنا و دمائنا و نفوسنا من خلق الله .. و مهما بلغنا من الفهم للنفس البشرية ما نوصلوش لواش ربي حطو فيها ..
لذا كاين قاعدتين إلهيتين في هاذي الحالة و هما:
1: و من أعرض عن ذكري فإن له معيشة ضنكى . .
2: و ماكان الله معذبهم و هم يستغفرون ..
لذا غيري نفسك من هاذي الناحية ..
ميشي شرط تولي أختينا فجأة ... لكن ابداي بالاستغفار كل ما تتفكري 3 مرات عشر مرات على حسب الوقت و القدرة ..
و صلي على النبي و غيرها من الاذكار
و الله غير تتغير حياتك للأحسن ان شاء الله ..
و ادعي ربي ينحي عليك الوهن و الحزن و الهم و الضيق
ثالثا كيما قلتلك كوني واقعية و تقبلي التغير لكن في نفس الوقت سيي تتبدلي ..
رابعا: عليك و على صاحبات نشيطات متربيات يعينوك في أمورك ..
حنا الرجال و بلا صحاب يحكمنا الفشل حتى في صلاة الجماعة .. الحمد لله ربي مسخرنا صحاب يدكرونا كل مرة .. للذا ما تتهاونيش في هاذي الناحية ...
عذرا ان كان كلامي غير مرتب .. ما راجعتوش بزاف ..
ربي يوفقك و يعينك و يسهل أمورك للأحسن