[*أم ثازيري*]

السلام عليكن
نقلتلكم اليوم وصفة راااايعة دارت حالة في الفايس و انا تاني حكمتني الحمى نتاعها
نقول لصاحبة الوصفة الأصلية ربي يسترك دنيا و أخرة ياااااا رب
نحطلكم الصور بالشوي و نشرح لكم الطريقة بإذن الله







المقادير :
الكريمة
اربع علب كريم ديسار
كاس شونتيي
نصف كاس حليب بارد
بودواغ (Long de chat) و ممكن تعوضيه بالبسكوي الرقيق المربع / petit beurreانا نفضلو على بودواغ
قهوة او نسكافي مذابة في ماء ( لي ماتحبش المرارة تقدر تضيف حليب )
بنان
ديك جال او سوبر كريم ذوق كراميل



طريقة التحضير :
في اناء خلطي الكريم ديسار و الشونتيي و الحليب حيدا حتان تتحصلي على كريمة
من جيهة اخرى خوذي قالب لي يتحل او نتاع زجاج
اغطسي البودواغ في القهوة او قهوة و حليب و ستفيه في القالب
صبي فوقو الكريمة و دخليه الثلاجة باش تتماسك لمدة عشرين دقيقة( انا دخلتو الكونجيلاتوغ لمدة عشر دقايق عيشي حامي هههه)
من بعد ستفي البنان و زيني السطح بالديكوجال ذوق كراميل
و ممكن تخدمي صلصة اكراميل وحدك راهي حطتها الهام من قبل موضوع
خليها تبرد ملييييييييح ، انا درتها البارح لعشية و قصيتها اليوم العشية لانو كامل قالولي كل ماتريح في الثلاجة تبنان اكثر
ملاحظة : تقدرو تقدموها في كؤوس فردية