السلام عليكم و رحمة الله تعالى و بركاته
أخواتي غبت نهار لقيت لكوزينة قريب تخلاص يا حوجي
راهي صح حكمتني لاقريب راسي اليوم قاتلني بالوجع حتى دواء ماعاد ينفع هادا ولاو يخدموه هنا في الدزاير
لا علينا
حيوتي يعطيك الصحة و البطاطا خرجت لك روعة بصحتكم و تحياتي لكل الأخوات الي دارو فيا الثقة و جربوها ربي يحفظكم كامل يا رب
هدولتي بصحتكم ايه عاندي و عاودي ياك هادا هو هدف الكوزينة نعطيو افكار لبعضانا ادا درتي حاجة في العشاء هاكة ممكن انا نديرها في الفطور و هي رايحة
سحوبتي شا نقول لك ربي يعطيك و يمنيك و يرزقك من نعيمه كوزينتك فاتت هايلة كنت ناوية نختمها لك بواحد الكريمة هايلة في هاد الويكاند بصح ما قدرتش ندخل مخبري يا رب طيبت الفطور البارح و زودته باش يتعشاو درت الكسكس و اليوم تاني درت فطور و عشاء تليلتلي ما قدرتش راني نحوس غي نتكا و راسي حاساته قد الجبل و مانيش عارفة غدوة ادا نروح للخدمة و لا لالا
تفضلو الكسكس نتاع البارح
تليتلي نتاع اليوم
أخواتي الكريمات صحابات الكوزينة كنتو هايليين يعطيكم الصحة و الهنا
ربي يحفظكم
في أمان الله