شكرا على ردودكم الهايلة الي دايما تفرحني
المقادير ساهلة وجد جد اقتصادية وموجودة في كل بيت
المقادير:
3 حبات بيض كاملين
3 فنجان زيت
3 فنجان سكر عادي
ملعقة كبير لافاني
1/4 باكي خميرة كيميائية
ملون وردي
فرينة حتى تلتم العجينة وتكون طرية
والطريقة : صربي حبات البيض مع السكر وضيفي الزيت ولافاني مع الملون ثم ضيفي الفرينة مع الخميرة حتى تلتم
ثم حلي العجينة سمك نصف سنتمتر واقطعيها دوائر....انا لو كان نقولك باش قطعتها تضحكي عليا قطعتها بالغلاق تع رضاعة تع بنتي...وتزينيها تاني بنفس الدائرة الي قطعتي بيها ورمدي الوجه الفوقاني في السكر العادي
من بعد دخليهم الفرن وطيبيهم خفيييييف من بعد لصقيهم بالمعجون او كريمة الزبدة وشهية طيبة وادا جربتيهم ابعتيلي حبة.....بصحتكم