حوار شعري بين عيسى بن علال وعمر المقني
عيسى
يا شاعر نحو الكلام انعيداعليك***اسمع لفظ القول مني يا فاهم
عمر
لا تتكبر خالقك يستخبر فيك***من سلّم للخلق بالنية سالم
عيسى
لو تعلم في الغيب تعلم ما ياتيك***ما فات اعقب راح والباقي داهم
عمر
في ذهني مزال كاين و نوريك***نحكيلك واحكي كلامي عالفاهم
عيسى
وريني معناك يا ذرّي يكفيك***لا تطعن في واد جاهل يتلاطم
عمر
ذا انت راك واد جاهل يا مليك***نا بحر المحيط عن وادك عايم
عيسى
تطوال وتعراض بفلوكة نطويك***ماكش حاجة قاع لو كان اتوالم
عمر
صرّف شقفك لال البابور ايدهميك***تضحى يا سلطان علهدرة نادم
عيسى
ورّيني باب الندم نسرش ليك***مولى طابع كي نا ولّ الحاكم
عمر
لا مانيشي قايد كي انت وانعاتب فيك***جوابك بالشاو وبيه انت ظالم
عيسى
أهدرلي بما وجب كيما يبغيك***رد الأجوبة على واحد لازم
عمر
ذا تبقى بزاف برّي واباريك***وش ازّانا قاع في ذا الخصايم
عيسى
يا ولدي باب القحار اصعيب عليك***تستهلو ناس تعرف تزّادم
عمر
يا عاقل ذا النهار انساه اخطيك***راه اليوم اطرادكم صرف دراهم
عيسى
كاين حقا ذا الكلام الله ايبارك فيك***وصرف بغير كتاب كي الصيد الهايم
عمر
ادعي ربّك هو الكاين في عونك***لا تطلب غيرو السامع العالم
عيسى
المانع والعاطي اللي ماليه شريك***يفعل ما يريد سبحانو دايم
عمر
لا تهرب ما جا ناطح يقتل فيك***اعرف باه اتحاربو يا محتارم
عيسى
اذا خليتو راه يرجع ياكل فيك***ما يقرا لك بال ولا يحتارم
عمر
اعمل حذرك يا الخو ظرك انوصيك***راه الوقت اردى علهم اتلايم
عيسى
يا ولد باعطاب قلبي يا يبليك***ما شفت اغموقات ما ذقت امضايم
عمر
يا راجل كل واحد في احسابو بمثليك***ولا تطوي تلقي عليّ بلياقم
عيسى
وقيل نتفاتنو بلا تشكيك ***وسبت دوستنا الخاذير بن سالم
عمر
كي ندّوسو تضّحك الناس اتبكيك***منك يا مليك ما درت جرايم
عيسى
لا اتنظنش على الخذير يبقّيك***رايو رادي شين وامدعوي عادم
عمر
ضروك بردو ماينا بوجور عليك***سامحني بالعافيا يا محتارم
عيسى
ارفعت بقدري الله يجعل البركة فيك*** سامحني يا شيخ في بعش امواهم
عمر
اختمناها بالسماح اسوا يدزيك***ما فينا من طاح ما بان القايم
عيسى
وانتموها بالنبي هو جدّيك***محمد شافيعنا زين الخاتم