هدي وصفة شورما بنيييينة كليتها مرة كنت مسافرة وبقات في بالي كي شفت مطلوع ام ابراهيم قررت نديرها اعتدر من لبنات لي طلبوها وانا تاخرت عليهم نبداو بالحميس نفور فلفل حار وحلو وطماطم وسنات توم بالقشرة يبردو نغسلهم ونقطعهم قطع صغيرة وهداك التوم نمرسو بفرشيطة مع هريسة وشوية زيت وعصرة قارص وملح وفلفل اسود ونضيفو للحميس ونخلط الكل الخبز استعملت مطلوع الكوشة لام ابراهيم www.djelfa.info/vb/showthread.php?t=1360865 نغسل السكالوب بالماء والخل جيدا نقطعوا شرائح ندير عليه ملح وفلفل اسود وكمون وسنات توم مقطعين هريسة شوية زيت وعصرة نص حبة قارص ومخلط ونغطيه بجيهة كلما تبلناه قبل بوقت كلما كان افضل نطيبها على نار عالية مع شوية زيت ونبقى نقلب حتى تنشف تماما وتتحمر في نفس البرمة لي طيبنا فيها الباقي واضح اتمنى تجربوها سلامي للكل وصح فطوووركم