السلام عليكم وصحا فطوركم كامل اليوم جبتلكم وصفة سهلة وجديدة نقلتها من عند الشاف""سليمة يعلى"" ولي هيا ""مرقة باللوبيا الخضرا بطريقة عصرية"" المقادير بالنسبة للمرق : مرق عادي أكم تعرفو كل وحدة وكيفاه ديرلها soi فالتوابل وغيرهاا اما بالنسبة للوبيا أنا كنت فورتها من قبل وخليتها فالكونجيلاتور ومبعد خرجتها خاليتهاا تسخن شويا فداك المومون وجدت الحشوة لي هيا لحم + فلفل كحل وقرفة وشوية ملح وقسبر مرحي خلطنهوم وخليتهم أبآآر حكمت 4 حبات لوبيا حطيتهوم لاباز طليتهم بشوية بيض وزدت حطيت الحشوة وزدت غطيتهاباللوبيا حتى تويلي كي رزمة الحطب تشديهم بخيط وتنقصي الشياطة حتى يولو متساويين كل حبات اللوبيا نكملو العملية حتى يخلاصو حبات اللوبيا انا شاطتلي الحشوة و قطع اللوبيا لي كنت سبقت وفهمتكم عليهم درتهم على شكل كويرات حكمت اللحم وحشيته بقطع اللوبيا حطيتهوم فالمرق وخليتهوم يطيبو على غرضهم وهدا هو في طبق التقديم تقبلوا موضوعي وادعوا معايا فالباكالوريا