[القبايلية]

تحياتي لكن
اختي هناك طريقتين لتحضير الكسكس بدون كسكاس
الطريقة الأولى جزائرية تقليدية:
تحطي 2 كيسان معمرين ماء فوق النار تخليهم يغلو تزيدي عليهم 2 مغارف زيت و شوية ملح
كي يغلي الماء نقصي للنار و عبري كاس كسكس و ضيفيه للماء المغلي و حركيه و غلقي على الطنجرة نتاعك و نقصي للنار مليح و خلي الكسكس نتاعك يتشرب الماء هذاك كامل بلاكي يلصق مرة على مرة حطي مغرف شوفي الا شرب أو لا غير يلحق يشرب فقط الماء طفي عليه و خليه حوالي 2 دقايق و فرغيه و زعيه بالمغرف باش ما يلصقش في بعضاه، ادهنيه بشوية زيت زيتون أو زبدة اختياري
الطريقة لاثانية طريقة أوروربية :
تحطي كمية من الكسكس مثلا كاس كسكس + شوية ملح + 2 كؤوس ماء مغلي فرغيهم على الكسكس و غطيهم و يخليه حتى الكسكس يشرب كامل هذاك الماء المغلي ألوروربيين ياكلوه سلطة كي يحضروه بهذه الطريقة بالصح باش تاكليه بالمرق ما يجيش مليح يبان ماشي طايب
نتمنى تكوني استفدتي