[سطايفية بكل فخر]

المشاركة الأصلية كتبت بواسطة foufou0008

نعم مثل الصورة وراه عنده في مدة طويلة ونعم لديه انتفاخ في حافة الجفن وحمراء زار الطبيب عطاه فقط قطرة للعين وبوماد نسيت اسمها بصح مكانش نتيجة ممكن تقولي واش لي يسبب هاد المشكل هل هو حساسية من شبئ ام ماذا والعلاج وشكرا

حتى انا شكيت فيه
هو بليفاريت blépharite وهو التهاب حافة الجفن تسببه الحساسية في اغلب الاحيان او البكتيريا وفي حالة قريبك راهو بليفاريت مزمن يعني صعيب تعالجيه
لكن تكونطرولروليه وتخفي من الحدة تاعو
بداية ينبغي انو يرجع للطبيب يمدو ديبوماد وقطرات باش يعاونوه فقط مش رايح يبقرا منو نهائيا
ثانيا لازم عليه يتبع روتين يومي للنظافة باش يخف عليه ويستراح
اولا يدفي الماء ويحط فيهم ديكومبراس ويحطهم على عيننيه حوالي خمس دقائق مرات قولو يحط فيهم ساشي تاع تاي
[IMG]https://www.manscape.co.uk/wp-*******/uploads/2012/08/green-teabags-for-eyes-215x300.jpg[/IMG]
او يستعمل ليكمبراس بالماء تاع التاي
يقولو مليح شخصيا مجربتش التاي صديقة لي اخبرتني عنه
المهم يغمض عينين ويحطهم عليهم
ثانيا بما انو عندو انتفاخ يحاول يدير مساج للجفن بلا ميضغط بزاف
ثالثا لازم عليك يغسل الجفن ويحاول ينحي هذوك القشور بلطف
يقدر يستعمل زيوت او شومبوا بيبي مع الماء مي حذاري يدخل للعين باش يساعدوه على نزع القشور بدون الم
مرات ايضا لما يكمل هذا يستعمل سيروم يزيد يغسل بيه العين ويدير مساج خفيف بعد مينحي القشور
هذو الخطوات يديرهم يوميا يعني تولي عادة عندو خاصة ليكومبراس والغسل المساج يديرو كي تكون العين منتفخة
هكا رايح يتحسن منو ويخف الالم
كاينة وحد الكومبراس تتباع خاصة بلبليفاريت هي معمرة من داخل تتحط في ميكرو ووند وتتسخن ومن بعد يحطها على عينيه رايحية تخطي كامل العينين تستعمل مرتين الى ثلاثة في اليوم مليحة بزاف لكن قالولي سعرها غالي شوية
حاليا يستخدم في بلاصتها ليكومبراس حتى يشري وحدة رايحة تفيدو ظرك نمدلك ليمارك تاعهم ولي كاينين عدنا في الدزائر
كاينة MGD EYE BAG

كاينة eye ssential mask

والحاجة المليحة فيهم نها تقدر تجمديها ايضا
وتستعمل اياضا في حالة انتفاخ العين الام الراس جفاف العيون و تعب العين غيرها
مش غير للبليفاريت

ان شاء الله تفيدك النصائح وتنحيلو شوية
ربي يسهلو ويشافيه