السلام عليكم اخواتي حلوى اليوم اسمها بساط الريح جديدة وبنينة وساهلة وتقطع كمية مليحة المقادير: 250غ مرقرين،2بيضات،نصف كاس سكر عادي،نصف باكي خميرة،اقل من نصف كاس نشا،فاني فرينة،نصف كاس عسل الحشو: 3كيلات كاوكاو محمص ومرحي وممكن لوز،نصف كيلة سكر ونلمها بماء الزهر الكريمة: علبة نسلي ،125غ زبدة انا استعملت فلوريال،2م ك حلوة الترك،2 مك حليب غبرة الطريقة: نخلط المرقرين والسكر جيدا نضيف البيض ونحرك ثم النشا والخميرة والفاني والفرينة حتى نتحصل على عجينة تشبه في عجينة الصابلي نرش طاولة العمل بالفرينة ونبسطها بالحلال ندهن البلاطو انا استعملت بلا اقل من نتاع الفرن ندور العجينة عالحلال ونهزها باه تجينا ساهلة ونحطها في البلاطو ونسقمها وندخلها تطيب https:// نسخن نصف كاس عسل نزيدلو شوية ماء زهر لازم يبقى خاثر وفور اخراجها من الفرن نسقيها https:// نغطيها ونخليها ليلة كاملة نحضر الحشو بخلط المقادير حتى نتحصل على حشو مثل حشو البقلاوة نبسط عالعجينة لي خاليناها طابت https:// نحضر الكريمة نطيب نسلي في الكوكوطة لما تصفر نحسب45د نخليها تبرد تماما ونستعملها او نشريها جاهزة راهي متوفرة يكون احسن واسهل وهذي الصورة لعلبة نيسلي كراميلزي https:// نخلط الزبدة مع نسلي كرامليزي وباقي المقادير بالباتور ونحطها فوق الحشو https:// ونبسطها https:// نحطها في الثلاجة على الاقل24 ساعة نقطعها مربعات ونزين كل مربع بنصف حبة جوز https:// وهذي عن قرب لاحظو الطبقات اممممممممم https:// ملاحظة: انا البلا لي استخدمت 30على28 المهم بلا اقل نت نتاع الفرن ولا تنسوني من صالح دعائكن اخواتي ولكن بالمثل في امان الله </B></I> __________________