السلام عليكم ليوم حبيت نوريلكم مسكوتشو بنينة جربوها ماتندموش واذا عند اي وحدة فيكم سؤال انا في الخدمة دائما نخليكم مع المقادير 4 حبات بيض + 4 مغارف كبار سكر عادي + 1/2 كاس زيت + مغرف صغيرة فاني + باكي خميرة + 3/4 كاس فرينة + حبات اناناس + سيرو نتاع اناناس باش نشربو بيه المسكوتشو طريقة التحضير : خلطي البيض مع السكر بالخلاط الكهربائي زيدي لافاني و الزيت والفرينة والخميرة تكوني شعلتي الفرن نتاعك ديري الخليط في مول انا درتو في المول لي في الصورة كي تحطي الخليط زيدي حطي فوقو حبات اناناس الكمية نتاع الاناناس المعلب قد حجم المول دخلي المسكوتشو الى الفرن كي تطيب تطلع المسكوتشو يدخل الاناناس داخل المسكوتشو كي تخرجيها شربيها بالسيرو نتاع الاناناس انخليكم مع الصور هاذي صورة المول لي درت بيه وهاذي صورة المسكوتشو ملاحظة : بالنسبة لكمية السكر انا جاتني مليحة هكذا يحبوها ولادي سيرتو كي شربتها بالسيرو لي حبت تزيد كمية السكر ماشي مشكل كل واحد كيفاش يحب لحلاوة