تارت الشوكولا انا هي رزيقة درتها بجينواز الشوكولا فيها 5 بيضات ضربيهم مليح مليح مليح مع 150 غ سكر حتي يتضاعف الحجم ثم زيدي بالسباتولا 150 غ فرينة منزوعة منها مغرفتين كبار من الفرينة و تعوضيهم بمغرفتين كاكاو و مغربلة مع 1 لوفور . كي تطيب الجينواز و تبرد مليح قسميها الى اثنين و سقي الطبقة الاولى بقهوة عادية باردة و حشيها اي كريمة معتمدة عندك انا درت كريمة اابرتقال تاع ليزابيل راهي في وصفات لحراير فقط كوني سخية كي تحطي الكريمة باه جيك طبقة جميلة . انا زدت قطعت في الكريمة بنانة الى قطع صغيرة . ثم زيدي الطبقة الثانية و سقيها شوية قهوة ايضا . هنا كان من المفروض نزيد عليها كريمة بصح مبقاتليش امالا ذوبت علبة شكولا سوداء مع شوية حليب و طليتها بيها ثم زدت فوقها شوكولا بالحليب مبشورة بقطاعة البطاطا . إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.