السلام عليكم
بنات المنتدى نشا الله تكونو لاباس
اليوم نضت من القيلولة معولة على برزقان ** الرفيسة**
خرجلي روووعة
جبتلكم الخطوات
جربوه و رجعولي الخبر
بعد ما تخلطي السميد و الزيت و الملح
بسيهم مليح مليح
و ضيفي الماء بشوية بشوية
حتى توليلك عجينة متماسكة
اخبزيها و قطعيها و طيبيها فالطاجين
كي تطيب حطيها في طرشونة تكون نظيفة
اغلقي عليها و هي سخونة
و ضربيها بكف اليد
شوفي كيفاش تخرجلك بعد ما تضربيها
ضعيها في قصعة و واصلي العملية حتى تكملي العجينة اللي عندك
خوذي التمر الاحمر
حنا عندنا في تيارت نقولولو تمر الحميرة
اغسليه مليح و نقيه و فوريه مليح
شوفي كيفاش يخرج
امرسية بالفرشيطة
و ضيفيلو القرفة و القرنفل
ضيفيه على هاذاك المبسس
و ضيفي السمن الذايب و العسل
حسب الحاجة
اذا حبيتي تضيفي الكاوكاو
شوفي كيفاش يخرج
