منتديات الجلفة لكل الجزائريين و العرب - عرض مشاركة واحدة - همزة وصل بين المعلم و الولي : انت تسأل والمربي يجيبك
عرض مشاركة واحدة
قديم 2012-10-21, 20:56   رقم المشاركة : 247
معلومات العضو
~ حراير ~
عضو متألق
 
الأوسمة
فائزة بالطبعة التاسعة لدورة الرقي- أريج المسك - 
إحصائية العضو










افتراضي

السلام عليكم و رحمة الله تعالى و بركاته
صح فطوركم أو عشائكم و الي صايم ما ينساناش بدعوة زينة

يعطيك الصحة الشيخ عبد الناصر راك طبقت الدرس لكن ما لم أفهمه كيفاش ضميت الرد على مشاركتي مع مشاركة الأمنيات ... و إلا على الزهر برك جاو مع بعضاهم؟؟؟؟؟

والله يا الشيخ غير و كأنك قاعد معانا و احنا نراجعو ... فعلا بنتي سنة ثانية تفاجئني أحيانا في سع تعرف العدد و ساعات تقعد تفكر أو تركز
المهم راني على ما أضن فهمت الفكرة و راني ناوية انخليها هي تخدم البطاقات باه تفهمهم مليح و توالفهم ... و راني نستنى في التحميل باه نتأكد بلي مارانيش غالطة في فهامتي و إن شاء الله يحملي لأنه كتبلي التحميل في 3 ساعات
و ما بين ما حملي راح نسألك عن طريقة تعاملك مع التلاميذ كثيري الحركة
راني حكيتلكم من قبل على بنتي تلميذة السنة الثانية و هي كثيرة الحركة لدرجة أني لما نقريها انحس روحي قريت أربعة أخرين معاها حاولت انطبق معاها بعض الطرق التربوية النفسية لكن لم أفلح لأن هذه طبيعتها فهي ليست مشاغبة أو ما تسمعش الكلام بالعكس مؤدبة جدا و خجولة خارج المنزل و لكنها في المنزل مرحة و نشيطة بإفراط كبييييييييييير .... فأصبحت أعطيها ما تحفظه حتان انكمل المراجعة لإخوتها و أراجع لها لوحدها باش ما يفقدوش تركيزهم معاها
مثلا اليوم و هي تحفظ في أنشودة تحية الدار تحفظ و تقفز و لما نهيتها أصبحت تحفظ و ترقص و لما نهيتها و كلمتها بهدووووووء شديد أصبحت تقرأ لنا قراءة شعرية الغريب في الأمر أنها حفظتها و أنهتها كلها و لكن سؤالي كيفاش نتكلم معاها أو وش نديرلها باه ما تلهيش إخوتها مانيش حابتها تحس أني أميز بينها و بين إخوتها في الدراسة

سامحني كثير على سؤالي راني حسيت نفسي أستغل فيك يا الشيخ عبد الناصر من معلم حولتك لمعالج نفسي و راني كيما قتلك من قبل راني بعد توكلي على ربي العلي القدير راني لايحة حمولي عليك "كما نقولها في بسكرة" يعني معتمدة عليك و إن شاء الله تلقالي حل برك

مشكور مسبقا
و السلام عليكم و رحمة الله تعالى و بركاته