قصيدة للشيخ سعيداني بن عيسى رحمة الله عليه .
لا اله الا الله هي خيار لاقوال ولا اله الا الله بها نشهدو
لا اله الا الله توحيد للجلال ارى صحاب العلم عليها يوكدو
لا اله الا الله تنفع بقول وفعال ومن يدوم عليها للخير ترشدو
لا اله الا الله هي الخيار في الفال ومن بدى بيها وين بغى تسقدو
لا اله الا الله تنفع اولاد الحلال كي الغارس غرسو لبدى يوردو
يامضيع وقتك بركاك من الغفال طيع ربي ورجى جودو ورحمتو
لا تقول ايامك مزال عاد تطوال حد ماهو عالم بايام رحمتو
الى وفي اجالك تدي الا العمال وكل من خليت الوارث يلمدو
حالت الدنيا تتبدل جيل بجيال جيل يفنى لاخر ربي يجددو
مايدوم الا ربي رى الغير بطال كاملة ترحل كي الصديق كي العدو
لو دامت الدنيا دامت لسيد الارسال الانبياء قدامو والرسل حيدو
شحال فاتت من حكماء عرب وجهال يصرفوا في الخلق والمال يرفدو
شحال فاتت من الأغنياء دركت المال عدلوا بنيات على البني شيدو
شحال فاتت في البادية غنم والايبال وين كان النعم لبلدو يعمدو
ياسامع ليا نلقي عليك دلال غا تصنت ليا وعليك نسردو
لا تبع نفسك وبيليس يشطنو البال يطلعو عقبة ويولو يهودو
يزينو لك الحرام يمثلوه حلال ماتفيق حتى توقع في مجابدو
يصامو ويذلوك على طريق الارذال غير من ذوك لي من ربي بعدو
رى ايام الدنيا غا سعد ياالعقال ومن خدم شي شئ عند الله يوجدو
في نهار المحشر يتفاضلوا الرجال هداك فارح لاخر فعلو منكدو
ومن خدم ربي يتفاصل خيار الافصال واسع الرحمة لاش يتم كايدو
ومن عصى مولانا حال يكون يذبال وماتلى يجبر عملو يعاودو
لو اندم ماينفع ليه ندم محال قول ربي في كتابو مجردو
يالي متوكل بالخلق كل توكال في العمر والرزق وقوتو وسكنتو
تغفر ذنوبي يامن انت غفرت زلال انت اعلم بذنوبي مشاهدو
طالبك ياربي والطلب ليك ينسال فكني من ضيق المحشر وحزتو
طالب الي ديما موصوف على الكمال بيه مانشرك حد الي يعاندو
الا عطاني ماتقلع لي الناس لابخال والا قلع ليا نطلب العفو ونحمدو
ترحم امة محمد ياكثير الافضال يا الي رزقك للخلق مادو
ترحم الوالدين والاخوال والاعمام والي علينا ربي حقو مقيدو
سميتي تتسمى خمس حروف تنقال بدات بالباء والنون مالفوق منقطو
العين والياء والسين وذاك حد المقال مانقصوا فيها ولا نزيدو
والصلاة على محمد بيها نمجدو .
الشاعر سعيداني بن عيسى رحمة الله عليه