[ميشة موش]

السلام عليكم أخواتي أما فيما يخص المدة ألي طحت فيها من 90 إلى 79 فكانت قبل رمضان شهرين وظرك نكتب الريجيم تاع هاذ المدة لي عطاهلي الطبيب، ومن 79 الى 74 راه في ملي بدا شهر مضان والرجيم راني كتبتو
ظرك نكتبلكم الرجيم نتاع الايام العادية اي قبل رمضان :
شرب كأس ونص ماء قبل الفطور فيهم مغرفة عصير قارس
- قهوة + ملعقة سكر أو شاي أخضر مع ملعقة سكر
9.00 كاس ماء كبير فيه قارس
10.00 كاس ماء كبير فيه قارس
11.00 كاس ماء كبير فيه قارس
12.00نفس الشيء كاس ماء فيه قارس ومن بعد تتغداي
-سلاطة ( جزر، خيار، كرمب، بسباس، طماطم، سلاطة، بصل...+ 2 بيض مشرشم دون صفار)
-100 غ سمك أو صدر الدجاج أو سكالوب أو لحم بقري مشوي
- 1/6 خبز كان تصيبي خبز الشعير أو القمح ( الحرشاية كسرة الشعير )
- فاكهة الموسم
-1 ياغورت طبيعي ناقص دسم
مساء تشربي قهوة أو شاي أخضر
العشاء:
كأس ونصف ماء فيهم قارس
- سلاطة كيما تاع لغدا بصح مفيهاش بيض
-7 ملاعق مرق خضار ناقصة دسم + 100غ لحم نفسالشيء تاع لغدا
-فاكهة موسم
-1/6 خبز
عند الجوع تشربي الماء بالقارس الا مشبعتيش كولي كرمب ولا بسباس ولا خيار...
هذا هو الرجيم الي عطاهلي والله يشبع وينقص صح من 90 الى 79 كيلو في شهرين.
والطبيب هو محمد العيادي مختص في أمراض السمنة والغدد وداء السكري ، حي 750 سطيف رقم الهاتف : 036721842/ 0662001555
بالتوفيق وان شاء الله يفيدكم كيما فادني