شعر عن سيارة الستايشن وقصته مع التهريب في الصحراء
ماركة جابون خاطفتني و مقربة ... و يا المولى تمنع من الكسايد
سال عنها فرسان مجربة ... ساعة اللي فزيت تبات فالمسيد
انواع ياسر فالفوايج متقلبة ... تقصدك عالخزرة كي تدير كي تقيد
كان درت الطروازيام تمشي مطربة... كون حذري بلاك تفوتك الموعد
مشينا عالظلام ذي خدمة صاعبة ... تسمع لكرمبو فالحجر يكدد
وهي كي الصيدة عجرية طالبة ... بقى فارس عاللاحقة يبعد
ذا الماركة تاهمينها غير مهربة ... و من حديث الحساد قليل اللي يفيد
ولوكان جا التيليفون نعرفو من عند الطرمون لازم الموعد يكون باش نفز الليلة
راني طلبت المولى قلت نفز الليلة و تشد الفريس و هيلة الحديد نعرفو غدار
ندهمو سطاسيو بن فردية نعبو الباك و البتية صديق لازمو هدية ذالجيل طمعو بالدينار
قدام لقطعت البايب هاذ لبلاص فيه مصايب مقواه العبد ديما هايب ذالناس يكشفو لسرار
نشدو طريقنا لقديمة الشور نعرفو بكريمة نندهو ناس القيمة و اليوم نخرجو بجهار
عالصالحين نظل اللاقي ذالناس كلاو ليا حقي و اليوم خرجو لي شار
الناس عايروني نكذب لله صدوه يقرب لبطال بالشجاعة خرجو قالو اليوم يسرجو ناجم ردهم حتان يجو عساس برج المختار
ويلا تهت سول ناجم ربي ينصرك عالظالم عابدين انت تبدى و أنت لي تخرج زندة و انت اللي تصيد لحبار
و ما ننسو احمد خذير يقيد دايم فايتنا للموعد وين العرق وعار
ويلا طلت الديوانة فالقلب ما بقات حنانة طالب النجى من مولانا لكان قصفت لعمار
صلاح ورقلة تنعرنا و اليوم وعلاش كي تحقرنا يوم التشابك درقنا بينا و بينهم غبار
ذالناس جاية مرسولة و العلم مايجي بسهولة وتلقى فوايج محلولة ماينة شد الفولة وناس ورقلة شطار
ماهيش ماركة سلطانة من نوع دوسو زعفانة بقا خبير يقطع لشوار
حربية هي لولى دايم عالجري معولة وعليها ما تختار
و احسن تركيب الجالكو ذالمصنع لينا خالقو تسمع لكرب يطرطقو شواطن تطلق فالنار
و ما تنسى لبروميار ما يهدى فوسط الرمال ماش خسارة فيها المال و ما تبغيش التكسار
كان دعوت أما و بي عاد قسمنا فالدبي نسينا ولادنا فالدار
قالو خرجت لاجكسيو مازال خارجين نسيو من فاجت الحجوج نسرجو عنها نفتحو حوار
و الدبي ياسر ورانا و ذا كثير من عندو جانا و حديد مسرع قضانا نعرفوه صنعت كفار
راني طالب النجانا و رفاقا وسط حديدة مدوجة و استر ياستار
لفرود يبقو الخبرا ويلا تهت يعطوك دبارة البر يقيدوه بلشجار
ياسر من الناس تحكمو علسانهم تشدو يحكي لمرتو ماعندو العدو يخرج من الجار
يا رجالة راكم عزاز بركاكم من دالغالواز مصعب نهار فيه فاز من هاذ لخبر كي جاني
كي نتفكر راسي يشيب و الله ما نسعاش الحبيب نخزر موتي راها قريب يجي نهاري بالعاني
مصعب نهار خارجين خاطر ليسانس رافدين ياسر من ماتو حارقين كان معايا وخطاني
حل عينك في بلجديان رد بالك تعطي لمان كان شفت بيضة للوان كسل كراعك فالعماني
وكان لحقت لحاسي الجمل و تم يركبني الذل مقواه يشيش لعقل عرفتش روحي وين راني
قابلني سباخ الحمير دبر عني كي ندير و يلا طلت الكوبتير يرجع حرب اللبنان
هاك لحقنا للسايبة تبان لقرود الغايبة مصعب ذالناس مقربة العرق الواعر ساماني
التاي و الصلاة في خشابة عارفين ذالقوم تعابى
لوح عينك دايم الفوق ماتعرف وين يصادفوك لا طلو فيك يخرفقوك ذالكلام صح ماش معاني
واش يقربلي لمسقم بر بعيد ليه مسلم خارج غير قيد محتم مالقيتش من هناني
ذا البر صاعب فيه الخوف حل عينك ركز فالشوف رد بالك من مركب سوف فيه كم من ديواني
ثريا يروحلك الشو لتواج ذا النوبة طولو ماني عارف ويكتا يجو فالموعد ماني هاني
بركاكم من هاذ الفرود راه كثرت فيه الشروط مازال نتيهو وسط القرود نموتو موت الحيواني
و ما صحلي كان التعب و الشوهة اللي نجيبها يدوها الستايشن فارغة كروها ومانعرف واش بيها دار
والناس سامعة بخباري الفرود بطلو بن ساري نرجع خير للحضري و الله يعمرها دار