[zahra30]

السلام عليكم
اليوم راني جبتلكم طريقة صنع علاقة المفاتيح واللي حطيتها في احد مواضيعي واللي طلبوها مني بعض الاخوات يعني هذي

بلا ما نطول عليكم تفضلو معايا
* نحتاجو الى شرائط من الساتان ( انا استخدمت نوعين ) ونصنعو وردات كيما هذو

وسمسم ( خرز) ومن الاحسن يكون من نفس لون الشرائط ( للاسف انا ما لقيتش )

تحكمي تلصقي الوردات الكبار زوج زوج بالخيط والابرة والصغار تخليهم باش تلصقي فيهم كل الخيوط اللي راح تخدميهم يعني

امبعد تزوقيهم بالسمسم وتركبيهم بالخيط وهنا حسب الاختيار تقدري ديري عدد الوردات وعدد الخيوط كيما بغيتي ( مثلا انا درت 3 وردات في الخيط و3 خيوط في العلاقة )

ان شاء الله تكون الفكرة وصلتكم
في انتظار ارائكم
تقبلو ودي