السلام عليكم ورحمة الله تعالى وبركاته اخواتي العزيزات حبيت اليوم نقدملكم طريقتي في تحضير القريوش كاين بزاف وصفات واشكال متنوعة للقريوش في الحقيقة الوصفة لي تعلمتها من عند زميلاتي في الثانوية ( عندها 20 سنة ههههههه )ما قدرتش نبدلها بنينة وشكلها جميل يعجبني بزاف اليوم حبيت نقدمهالكم المقادير: 1كلغ فرينة 300 غ زبدة ( انا نزيدلها فنجال صغير زيت) 1 بيضة نصف باكي خميرة ملعقة صغيرة خل ملعقة كبيرة سكر شوية زعفران باش جيك العجينة صفراء ويزيد مداق ماء الزهر تفضلوا صنية القريوش بعد ما نوجد العجينة نحلها رقيقة نقطع بالجريورا مربعات او مستطيلات نفتح 7خطوط كيما راه يبان في الصورة نقلي القريوش نعسل القريوش بالعسل نخففوه بشوية ماء الزهر طريقة صنع حبة القريوش بالتفصيل تقبلو مني تحياتي سلاااام