سلام، صباحكم برباحكم انا لبارح جاني في راسي نشخلط شوية في la sauce tomates خاطش كنت حابة نطيب حاجة خفيفة فقليت بطاطا و قلت نزيدلها صوص طماطم بطاطا باينة الطريقة ههه اما الصوص فحطيت مغرف زيت تسخن كي سخنت رميتلها شوية شحم تاع العيد شوييييية برك مربع تاع 2سم² كي يتحمر في الزيت كنت قطعت حبة طماطم الى مربعات و نقيت تلاث سنات ثوم ورميتهم فالزيت كي ذبالت الطماطم زدتلها ملح (جماعة صوص طماطم تحتاج ملح مليح هي تحب تكون مالحة) وزدت فلفل اسود برك متزيدي والو من بعد حركي و زيدي مغرف طماطم مصبرة و حركي بعد ثلاث دقايق زيدي شوية ماء متمرقيش حتى تولي تعوم. الصوص تحب تكون خاثرة نقسي للنار كامل و خليها عشر دقايق و طفي ممممممم جات تهبل جا فيها ريحت الشواء نصيحة : هذي الأكلة مسموحة مرة في الاسبوع لا أكثر للحفاظ على صحتكم ,,,, تجنبو المقليات الله حفظلكم صحتكم